23 Bagwi bengwa bakati bakowhomela Yesu bakapalalanya zwiyambalo zwizwe zwikabe zwikamu zwina, tjimwe netjimwe tjitogwa nengwhi; bakatola kose nengubo iye yaaka akambala. Koga ngubo iye yaka isina pakabhatshanyiwa, yakayakalukiwa kubva pehhugwi kuyenda pasi, 24 ndizo bakati umwe kuwumwe, "Ngatisiyipaluleni, koga ayikandileni malipa tibone kuti inowhobe yani." Whoku kwakayetika kuti kuhhadzisiwe lukwalo gunoti,

"Bakakobana zwiyambalo zwangu,

ngubo yangu bakayikandilila malipa."

Ndizo ikoku kwakayetiwa nebagwi bengwa.

25 Pedlo netjileyanyo tjaYesu kwaka kulimile meyabe, namayi bakulu babe, naMariya mfumakadzi waKilopasi, naMariya wekuMagadala. 26 Yesu wakati ebona meyabe, nendhiyiwa waanoda alimile pedlo, akati kuna mayi babe, "Mme, lingani, whoyo nkololo wenyu!"

27 Wakati kundhiyiwa iwhoyo, "Linga, ibabo ndimeyabo!" Kubvila lubaka igogo ndhiyiwa iwhoyo wakabatola akanogala nabo kunzi uwe.