10 Yezu da pana be la Na’ayen po’ohug dobil la ni pa’an Na’ayen po’ohug daar. 11 Nila nila ka bompɔk ka sibɛ’ɛ kpɛ̃ ka, ka la paa wom piiga ni anii yina. Ka da ŋwũr mi gɔ’ɔhit ka pu tɔ̃ dɔɔgit zɛ’ɛn sa’aa. 12 Yezu N da nyɛ bompɔk ka la, U da bɔɔl ka mi yel ka yii, <<Bompɔkaa, i nyɛ i bã’ãga tebug?>> 13 Ka Un da zaŋ U nu’uh paɣɛl ka zugu la, nila nila ka ka da va dɔɔ sa’aa ka pĩ’ĩl pɛ̃ɣɛt Na’ayen.

14 Ka Na’ayen dobil tɔɔngat la poor da pu pɛɛ ni Yezu N teb nir Na’ayen po’ohug daar la, ka yet nirikooŋ la yii, <<Ti tar la dabiha ayoobi ka ti nar yi ti zaŋ tom ti tooma: kemi dabih aŋ na dɛ’ɛ ya tebug ka ka' Na’ayen po’ohug daare?>>

15 Ka Daan la da lebih u yii, <<Yam ŋmɛlema demaa! Ya ɔn n pu kat ya nigi bee boh yit sapakin na sigit kolik yi ba ŋwũ kɔ’ɔm? 16 Ka la nan iŋa yela, ka bompɔka mi, n a Ebraham pɔɣɔwɔɔ ka sibɛ’ɛ gbã’ã ka wom pii ni anii wa, kun nyɛ ka tebug Na’ayen po’ohug daare?>>

17 Un da yel ŋwala la, U nan-taah la zã’ã da nyɛ la faɣahum: ka nirikooŋ la zã’ã da nyɛɛmit ni yelenyalin se’a ka U da it la.