1 Yezu da kpɛ̃ Gɛriko teŋ ni dol gat. 2 Ka buraa da be ni bɔɔn Zakeyɔs; da a lempodɛ'ɛh-kpɛ'ɛm, ka mi a bondaan. 3 U da bɔɔt yi u nyɛ la Yezu, baŋ Un a so, ka u da a la bongelig ka kun nyaŋ zɛ'ɛl nirikooŋ la ni nyɛ U wa. 4 Yela ka u da zo gaat tɔɔn ti do tiwɔɣir zugu yi u nyɛ Yezu, N nan dol niŋa bɔba gaat la.

5 Yezu N da paa zĩ'ĩ la ni la, U da gɔrig beh u ka yel yii, <<Zakeyɔs, kãbelim sigi na; ka Mam yi N kpelim la nyɛ yir zina wa?>> 6 Yela ka u da kãbel sigi dɛ'ɛ Yezu ni popeelum.

7 Seba woo n da nyɛ se'el n iŋ la, da pĩ'ĩl buɣunni yet yii, <<U keŋ yi U a la yelebe'et daan yir saan?>>

8 Zakeyɔs da zɛ'ɛna niŋa yel Daan la yii, <<Behima, Daana, n nan zaŋ n laɣat la bɔk porigir te nɔndem; ka man le fã la so se'el, n nan lebih la suɣum bunaahi te u daan?>>

9 Ka Yezu yel u yii, <<zina wa fããgir tã yira poŋi na, lan zugo ɔŋ mi laɣun a la Ebraham dawɔɔ. 10 Asaal Dawɔɔga da tana yi U beh mi fãã seba m borig la bah?>>

11 Ban da womihit ŋwala wa la, ka Yezu da te ba maɣahir, ka la a la Un da pɔ̃r Geruzalɛm la zugu, ka mi a la ban da tẽ'ẽhit yi Na'ayen so'olum la nar yi bu nɛɛ kalam la zugu. 12 Ka pana yel yii, <<Bondaan n da keŋ katen-zããr yi u ti bob na'am leb na. 13 U da bɔɔl u ntomirib pii laɣah na, te ba poŋ poŋ, ka yel ba yii, <Zaŋ mi ni ya tar kɔɔhit ka gur man nan ti leb na.>

14 Buraaga mi teŋ nirib sii da yi u mi, ka un da gaat ba'ah la, ba da tom nirib teŋ la ni, yet yii, <Ti pu bɔɔt yi bura kãã la wa a ti na'aba.>

15 Un da bob na'am la, ka leb na la, u da laɣah da'ab-seba ka u da te ba ligiri la, yi u baŋ ban zaŋ u ligiri la kɔɔh nyɛ ŋwɔɔt se'em.

16 Ka yiiga daan la tana yel yii, <N daana, n zaŋ i poŋ kukɔ̃ la tom nyɛ la pom pii pa'ah.>

17 Ka u yel da'abir la yii, <I mɔ ya, i a la da'ab-soŋ! Nyɛ n a yelemɛŋir daan ni laɣabil la, a na'ab behit tem-pii.>

18 Ka yi'i daan la tana yel yii, <N daana, n zaŋ i poŋ la tom nyɛ la poŋa anu pa'ah.>

19 Ka bondaan la yel u yii, <Nyɛ mi tar teh sinu behim.>

20 Ka nkɔ̃ la mi tana, yel yii, <N daana, i poŋ la n ŋwala. Mam daa zaŋ ku pɔ̃b mi ni tan diŋ, 21 se'el n so la, dabɛɛm n daa tar mam, nyɛ n a burawuribir; zãhit se'el ka i pu zaŋ diŋe, ka kɛ'ɛt zĩ'ĩ ka i pu bor la.>

22 Ka bondaan la yel u yii, <N nan zaŋ i mɛŋ nɔɔr tɔɣum ma gãk i, da'ab potɔɔliga! I daa poɣun mi yi mam a la burawuribir, zãhit se'el ka m pu diŋe, ka kɛ'ɛt zĩ se'eh ka m pu bor? 23 Ka yela ka i daa pu tar n laɣauh la ti diŋ ligiri diŋir zĩ'ĩga? Ka man lebin na wa, n naan dɛ'ɛgin bu ni dɔɣɔliŋ pa'ah.>

24 Ka pana yel seba n zɛ' la yii, <dɛ'ɛ mi poŋ la u sa'ani te so n tar pom pii la.>

25 Ka nirib la lebih yel yii, <Daana, ɔŋ poɣun deŋ tara pompii!

26 N yet ya mi yi, seba woo n tar la, nan nyɛ berigu pa'ah; ka seba m poɣum pu tar la, se'el fĩĩ ka ba tar la, ba nan dɛ'ɛ la ba sa'ani. 27 Ka baan a man dindema, pu bɔɔt yi man a na'ab behit ba wa, tarin ba na, ni ya kɔrih ba n tɔɔn.> >>

28 Yezu n da pa'al nirib ba'ah la, U da gaara tɔɔn doot kpɛ̃'ɛ̃t Geruzalɛm. 29 Ka Un da paagit Betefag ni Bɛtani la, zĩse'e n kpɛ ni Olifs Zɔɔr la, U da tom U nya'andolib la bayi, 30 yel ba yii, <<Kemi tembil la m be ya tɔɔn la, ka yan yɛ kpɛ̃'ɛ̃t la, ya nan nyɛ bombil ka so nan pu bã'ã kaa lo zɛ. Lorig mi ka tar na. 31 So n ti bɔ'ɔh yii, <Ya lorigit ka bo?> yan lebih yii, <Daan la m bɔɔt ka?> >>

32 Seba ka U da tom la, da keŋ ya ti nyɛ ka a aa Un poɣun yel ba se'em la. 33 Ban da lorigit bombil la, ka daan la da bɔ'ɔh ba yii, <<Yibo ka ya lorigit bombil la?>>

34 Ka ba lebih yii, <<Daan la m bɔɔt ka?>>

35 Ba pana da tar ka na te Yezu; zaŋ fut paɣɛl ka, ka bah ka Yezu bã'ã ka. 36 Un da bã yɛ la, nirib da tar ba fut yarihit sarɔɔg la zugu.

37 Un da dol sarɔɔg la zɛ'ɛn Olifs Zɔɔr la sigit na la, nirikooŋ la, n a U nya'andolib la, da pĩ'ĩl mi woomit ni nkɔ-kpɛ'ɛma ni popeelum pɛ̃ɣɛt Na'ayen.

38 Yet yii,

<<Zusondaan a la na'ab la so n kenna ti Daan wo'or zugu la!

Sũma'ahum be tensoŋi,

ka na'ahug be saazugu ha!>>

39 Farasiinam seba n da laɣum be nirikooŋ la ni la da yel Yezu yii, <<Pa'ala ke ka I nya'andolib la gɔ'ɔ vuut?>> 40 Ka U lebih yii, <<N yet ya yii, bãã la wa n gɔ'ɔ vuut, kuga wa nan vu bah na?>>

41 Un da pɔ̃r na ka nyɛ teŋ la, U da kum mi ka zugu, 42 yet yii, <<zina wa ya nirib la nan pu baŋ se'el n nan tar sũma'ahum naa! Nan-nan na, la nan pu nɛɛ te yaa. 43 Sera, dabiha ken ya sa'ani na, ka ya dindem nan bɛ̃r gilig kaa ya, kpãb ya zã'ã gilig bɔbir woo lebih. 44 Ba nan mɛrig yam ni ya biih tabel teŋ, ka kun ke ka ya kugir ni dikɔ̃ mi paɣa di taraan zugo; yam m pu baŋ sanse'e ka Na'ayen tã ya sa'ani na la?>>

45 U da kpɛ̃ po'ohug yir la poŋi, pĩ'ĩl kat nirib la n da kɔɔhit laɣat ni la bahit yeŋ; 46 ka yel yii, <<La golih mi yii,>>

<< <Mam yir la nan a la po'ohug yir';

ka yam zaŋ di iŋa fããrib sɔk zĩ'ĩ?> >>

47 Daar woo U da ni be po'ohug yir la pa'an. Malema kpɛɛnam la, gban-mi'irib ni nirib la tɔɔngatib la da ɛɛra fɔl yi ba ko' U; 48 ka ba da pu nyɛ fɔl-se'er ka ba nan dolihe, se'el n so la, nirib da a la keli yi ba wom U yelehum la.