1 Yezu da bɔɔl U nya'andolib pii ni bayi la te ba paŋ ni kpe'ense'eog n nan tɔ'ɔn sa'ah kolekpãbɛ'ɛh ka mi teb bã'ãh, 2 U da tom ba yi ba keŋ tɔɣɔ Na'ayen so'olum na'am la yela ka mi teb nirib. 3 U da yel ba yii, <<Da zaŋi se'el se'el keŋ ya sɔraa, dɔɔr bee tapɔk bee dii bee laɣauho, da poɣun zaŋi fuug pa'ahe. 4 Ya n ti kpɛ̃ yise'er la, been yi den ti paa daase'er ka ya nan bah teŋ kaŋ. 5 Zĩse'e n pu dɛ'ɛ ya saanɛ, bah mi niŋa, ka kpa'ah ya taɣara ntampuɣuhum la bah ka yi, ŋwala n nan a ya dããluŋ dɔ gi'in ba. 6 Ba da yi dolih teh la tɔɔn Na'ayen yelesoma la, ka tebit bã'ãh zĩ'ĩ woo.

7 Na'ab Hɛrɔd n da wom se'el woo n iŋ u teŋ la ni la, u da yar gaami, se'el n so la, nirib la seba da yet yi Geon, so n da soot nirib la n vo'o dɔɔ kum poŋi, 8 ka seba mi yet yi Ilaagɛ n nɛɛ u mɛŋ, hali ka seba mi yet yii, daalimi nɔdɛ'ɛhirib la nkɔ̃ n vo'o dɔɔ. 9 Na'ab Hɛrɔd da yel yii, <<Geon, so ka mam da fik u zugu laa; ka la pana a la ɔni ka n womit u yela wa?>> Ka u da pana bɔɔt yi u nyɛ u.

10 Ba n da leb na la, nya'andolib la da tũ se'el woo ka ba iŋ la pa'al Yezu. Ka U da tar ba yi ba ma'a keŋ teŋ ka ka wo'or bɔɔn Bɛfesayida. 11 Nirikooŋ la n da baŋ la, ba da tũ U zĩ'ĩ mi keŋ; ka U da dɛ'ɛ ba ka tɔɣɔ Na'ayen so'olum na'am la yela pa'al ba, ka teb seba n tar bã'ãh la.

12 Wuntɛɛŋ n da yɛ luu la, U nya'andolib pii ni bayi la da paa U tɔɔn yel U yii, bahum nirib la ka ba keŋ tenkpeha ni ha beh zĩse'e ka ba nan gbɛ̃ ka bɔ dii di, ka ti n be zĩ'ĩga so so ka niŋa.

13 Amaa U da yel ba yii, <<Yam te m ba se'el ka ba di?>>

Ka ba lebih U yel yii, Ti tar la boruboru banu ni zimi ayi ma'a, lan ka yelaa, la a la ti keŋ da diit na te nirikooŋa?>> 14 Se'el n so la, buraah ma'a kãl da a aa tuha anu.

Ka U yel U nya'andolib la yii, <<Bah mi ka ba zi'in nirib piih-nu, nu?>> 15 Ba da iŋ yela ka bah ka ba zi'in teŋ. 16 U pana da zaŋ boruboru ba nu la ni zimi ayi la, gɔrig beh Yen zugu ha ka kamaal ba, ka gbɛ'ɛh ba zaŋ te U nya'andolib la, yi ba tɔ̃r nirikooŋ la. 17 Ba zã'ã da di tɛɣɛ mi ka se'el n da kpelim la, ba da vaa pɛ'ɛl pe'et pii ni ti yi.

18 Saŋa kakɔ̃, ka Yezu da po'ohit U ma'a, Ka U nya'andolib la da pu zĩ zãã ni U wa, ka U bɔ'ɔh ba yii, <<nirikooŋ la yel yi Mam a la Ɔni?>>

19 Ka ba lebih yii, Seba yet yi <<Geon Baptis, ka seba yet yi Ilaagɛ, hali seba kpelin yet yi daalimi ha nɔdɛ'ɛhirib la nkɔ̃ n vo'o dɔɔ?>>

20 Ka U le bɔ'ɔh ba yii, <<Ka yam yel yi N a la ɔni?>> Ka Pita lebih yii, <<I a la Fããt la n yi Na'ayen sa'ani na la?>>

21 U da kpa'am ba kpɛ'ɛmiri yi ba da yel so so'o, 22 yet yii, <<La a la pɛ̃rigir yi Asaal Dawɔɔ la nyɛ namihug n ka makire, ka kpɛɛnam, malemadem ni gban-mi'irib la zã'ã, nan zaɣah U ka ko' U, ka Dabiha atã daar U nan vo'o dɔɔ?>>

23 Ka U da yel ba yii, <<Seba n bɔɔt yi ba a Mam Nya'andolib la, a la ba ki'ih ba mɛŋ ka zaŋ ba mpuuredɔɔg daar woo dol Mam. 24 Seba n bɔɔt ba vom nan kɔŋ bu, ka seba n kɔŋ ba vom Mam wo'or zugu nan tar bu. 25 Lan ŋwɔɔt ka ba nan nyɛ bam n tar teŋa zugu laɣat zã'ã ka kɔŋ ba vom? 26 Valim n tar seba ni Mam ni N yeletɔɣum la, yela nɔɔ ka Asaal Dawɔɔ la mi nan ti tar valim ni ba dem Un ti tana ni U na'am la ni Ba' la ni U Maleka soma la.

27 Yelemɛŋir ka N yet ya wa, seba zɛ kpela ka kum kun paa baa, lan ka la ba nyɛ la Na'ayen tensoŋ so'olum laa?>>

28 Un da ti tɔɣɔ ŋwala ba'ah ka dabiha a nii gaat la, Yezu da zaŋ Pita, Geon ni Gemis dol ni ba do zɔɔr zugu yi ba po'oh. 29 Ka Un da be ni po'ohit la, U nindaa da tɛɛ mi, ka u fuug la peelig nyaɣit fina, fina. 30 Ka nila nɔɔ, ba da nyɛ ka buraah siyi, Moozis ni Ilaagɛ nɛɛ na ni ba saazugu som zɛ tɔɣɔt te Yezu. 31 Ba da tɔɣɔt te U dol la U Geruzalɛm teŋ ken la, ni U kum la se'el ka U maahimit yi U iŋ la. 32 Gɔɔm da ven Pita ni U taab la mi, ka ban da nɛ se'em ma'a la, ba da nyɛ U ningbiŋ tɛɛgir la mi, ni buraah siyi la n da zɛ ni U la. 33 Moozis ni Ilaagɛ n da yi ba keŋ ka bah U la Pita da yel U yii, <<N Daana, la a somma yi ti be kpela; bahum ka ti tĩ soɣa atã, Nyɛ dikɔ̃, Moozis dikɔ̃, Ilaagɛ dikɔ̃>> ka poɣum pu mi un yet se'el la gbine.

34 Un da be ni yet ŋwala la, ka sangbauŋ da vuu na pĩ ba zã'ã, ka ba da gbi'it ni dabɛɛm.

35 Ka nkɔr zɛ'ɛl sangbauŋ la ni na yet yii, <<Mam Dawɔɔ n ŋwala, so ka N lɔɔ la, womih mi ni U!>> 36 Nkɔr la n da tɔɣɔ ba'ah la, ba da nyɛ ka Yezu zɛ U ma'a. Ka ba da leb sin bããlam ka dabih aŋ poŋi la ba da pu yel so so se'el ka ba nyɛ laa.

37 Beog n da kãã, ka ba poɣun zɛ'ɛn zɔɔr la zugu sigi na la, nirikooŋ n da to'oh U. 38 Niŋa la, ka buraa zɛ'ɛn nirib la tinsok ha tãhit yii, <<Pa'ala, m belimit I mi, yi I beh n dawɔɔga, n bii ka zã'ã n la. 39 Nila nila ka kolekpãbɛ'ɛ la zɛ' bii la bah teŋ, ka u tɛ̃bit ka nantɔ̃pulumpuut dɛ'ɛ u nɔɔr zã'ã a aa niiŋ n gbã'ã u la; la da it u la ŋwala ka pu maam bahira. 40 Mam daa so'oh I nya'andolib la yi ba teb u ka ba daa pu nyaŋe?>>

41 Yezu lebih ba yii, <<Yam seba n ka sera sakir ni ya punanim zomaaŋa ni, Man yi M be ni ya wuu la yela, ka laɣam maan ya yela? Tar i dawɔɔ la tã kpela na?>>

42 Bii la n da be ni kenna la, ka kolekpãbɛ'ɛga zaŋ u fãb teŋ a aa niiŋ n ni gbã'ã bii se'em la. Ka Yezu tãh kolekpãbɛ'ɛga, ka buribig la nyɛ ka tebug, ka U zaŋ u leb te u ba'. 43 Ka nir woo da ya nɔɔr ni Na'ayen toon tinta'ara.

Nir woo n da nan ya nɔɔr ni yelese'a woo ka U tomit la, U da yel U nya'andolib la yii,

44 <<Bah mi ka yelehum ma kpɛ̃ ya toba ni: Ba nan dɔ̃r Asaal Dawɔɔ la zaŋ iŋ nirib nu'uh ni?>> 45 Amaa ba da pu bɔk Un yet se'el la, tɔɣum la gbin da pu nɛɛ te baa, ka ba nan bɔk buu. Ba mi da zot yi ba bɔ'ɔh U tɔɣum la gbin.

46 Ngaam n da dɔɔ ba tinsok bɔ'ɔhit nyaa ba ɔni paŋ n gaat zã'ãga? 47 Ka Yezu n poɣum baŋ ban te'ẽhit se'em la, U da darig bii paa U sa'ani, 48 ka yel ba yii, <<So n dɛ'ɛ biiga ni sunɔŋir Mam wo'or zugu, dɛ'ɛ la Mam, ka so mi n dɛ'ɛ Mam ni nɔŋir dɛ'ɛ la so n tom Mam na la, so n a tarim ya ni ɔŋ kpe'eoŋ n gaat ya zã'ã?>>

49 Geon da lebih yii, <<N Daana, tam nyɛ la so n tar I wo'or kat kolekpãbɛ'ɛh, ka ti zɛɣɛt yi ti gu' u, lan zugo, ɔŋ m pu laɣun dol ti la?>> 50 Ka Yezu lebih u yii, <<Da gu'ut in u wa; ka so woo n pu kih i a la i nir?>>

51 La n da pɔ̃r yi ba tar U do tensoŋin la, U da ŋmɛrig U nimbia yɛ Geruzalɛm. 52 U da deŋ tomma nirib yi ba gaat U tɔɔn ha, ba n da be sɔr yɛ la, ba da kpɛ̃ Samaariya tembil se'e yi ba ma'ahum te U, 53 amaa teŋa dem da pu sak dɛ'ɛ U, Ɔŋ N da deŋ kpã yɛ Geruzalɛm la zugu. 54 U nya'andolib, Gemis ni Geon n da nyɛ ŋwala la, ba da yel yii, <<N Daana, I bɔɔt yi ti tãh ka buɣum zɛ'ɛl Na'ayen zugu na di baa,?>> 55 Ka Yezu da ŋmɛrig tãh ba. 56 Ka ba da keŋ lɔŋ tembil kakɔ̃ ni ha.

57 Ba n da dol sɔr la yɛ la, so da yel Yezu yii, <<N nan dol I keŋ zĩ'ĩ woo ka I yɛ?>>

58 Ka Yezu yel u yii, <<Piini tar woɣot, ka niih m be saazugu ha la mi tar tɛɣɛt; ka Asaal Dawɔɔga pu tar zĩ'ĩ ka U nan zaŋ U zugu koɣole?>>

59 U da le yel so yii, <<Dol Mam na?>>

Amaa u da yel yii, <<N Daana, bahum ka n kul ti laa n ba' yiiga?>>

60 Ka Yezu leb yel u yii, <<Bahum ka kum laa ba mɛŋ; ka lan a nyɛ, kem ti tɔɔlum Na'ayen tensoŋ yela la?>>

61 Nkɔ̃ mi da yel yii, <<Mam nan dolih I, N Daana; ka bahum ka n kul ti ke'eh n yir dem?>>

62 Yezu da yel u yii, So n zaŋ u nu'ug paɣɛl naɣakɔɔra kũũr zugu, ka gbel won u nya'aŋ ha, pu nar yi u be Na'ayen so'olum la poŋii?>>