1 Yezu da yel U nya'andolib la yii, <<Sanse'eh be mi, ka yeletoot nan paa nirib, amaa so daana n ke ka yeletoora paa ba la nan nyɛ sabaab! 2 La naan aain somma yi, ba zaŋ kugekãt wul i nangɔ̃ɔ̃r ni, ka zaŋ i lob mɔɣir kɔ'ɔmi, nyan nyɛ n bah ka yeletoot paa bibibiha nkɔ̃ ka ka tom be'em. 3 Beh mi ya mɛŋ somma!

I sɔ̃ɔ̃g n tom be'em, zɛrig mu, ka un ki'ih u be'em la, dim suguru te u. 4 Ka un tom be'em gɛ̃'ɛ̃h i sugum buyopoi dabihir poŋi, ka ŋmɛrig yel i sugum buyopoi yii, <N tuu ya,> dim suguru te u?>>

5 Yezu Nya'andolib la da yel U yii, <<Pa'ahum ti sera sakir paŋ!>>

6 U lebih ba yii, <<I sera sakir n aain aa nkansɔ̃ɔ̃g biiluh, i tɔ'ɔn yelin to'oga yii, <Vɔ̃ɔ̃gum i mɛŋ keŋ se mɔɣira ni ha,> ka ka nan iŋ yela nɔɔ.

7 <<Ya ɔni n nan yel u da'abir n zɛ'ɛl poogin bee dunkeoŋi paagit na yii, <kem kpela na naa ni m ka ti di?' 8 I toɣun kun yel u yii, <zaŋ i doɣob laɣat la yɛ, maal dii te m ka m di ka ŋwũ; ka iŋa nya'aŋ ka nyɛ mi di?' 9 U nan po'oh u da'abir la ni toomir la ka i te u laa? 10 La a la yela nɔɔ ni yam mi, yan tom toonse'er ka ba te ya yi ya tom la, yel mi yii, <Tam a la da'aba; ti tomma ti pɛ̃rigir toomir!> >>

11 Yezu n da be sɔr zugu yɛ Geruzalɛm la, U da buuga Samaariya ni Galili tinsok gaat. 12 Un da kpɛ̃'ɛ̃t tembil kakɔ̃ ni la, ninsãɣuŋ dem pii da paa U sa'ani. Zɛ nkpeŋ ha, 13 ka yel U yii, <<Yezu, Kpɛ'ɛmaa, dim suguru te ti!>>

14 Ka Un da nyɛ ba la, U da yel ba yii, <<Kemi ti zaŋ ya mɛh pa'al malemadem la?>> Ka ban da yɛ la, ba da nyɛ yi ba bã'ãh la bah ba.

15 Ka ba nkɔ̃, n da nyɛ yi u bã'ã la bah ya la, u da ŋmɛrig leb, ti pɛ̃ɣɛt Na'ayen ni nkɔr kpɛ'ɛmir. 16 Ka kũ'ũl Yezu tɔɔn po'oh U. U mi da a la Samaariya teŋ nir.

17 Ka Yezu bɔ'ɔh yii, <<Ba ka'an la ninsãɣuŋ dem pii n nyɛ tebug laa? Ka bawai la lee? 18 Bam ni nkɔ̃ mi pu nyɛ ka la nar yi u leb na te Na'ayen faraa, ka saana ma'a?>> 19 U pana da yel u yii, <<Dɔɔgum keŋ nyɛ n yɛ'ɛn zĩ'ĩ la; ka i sera sakir la n teb i?>>

20 Farasiinam la da bɔ'ɔh Yezu yii, Na'ayen So'olum la kenna sankan ma'a na, ka U lebih ba yii, <<Na'ayen So'olum la pu kenna ni yela bee se'el ka ya nyɛtaa; 21 bee ba yel yii, <Behima, la n ŋwala!> bee <La n ŋwaha!> Ka yelemɛŋir la aa, Na'ayen so'olum la laɣum be ni ya mi?>>

22 Ka U da yel nya'andolib la yii, <<Dabiha kenna, ka ya nan ti bɔɔt yi ya nyɛ Asaal Dawɔɔga daar dikɔ̃, ka ya kun le maan nyɛ dii. 23 Ba nan yel i yii, <Behim kpeha!> bee <Behim kpela!> Da keŋe, da dolih so nya'aŋa. 24 Asaal Dawɔɔ dabihir la a mi aa saa n ni nyak nɛɛ sangbana zɛ'ɛl yɛuŋ kukɔ̃ ti paa kukɔ̃ ha la, yela nɔɔ ka U nan ti a di daar la. 25 Ka yiiga U nan nyɛ namehug hali ti paa zomaaŋ kãã nirib n nan zaɣah U.

26 A aa la n da a se'em Nowa saŋa la, yela nɔɔ ka la nan a Asaal Dawɔɔ dabiha la ni. 27 Ba da diti ka ŋwũũt, dit pɔɣɔb ka ɛn serib, ka Nowa da pana baŋ kpɛ̃ ããruŋ la ni, ka kɔkãt la da tana sãɣum ba zã'ã. 28 <<Lɔt dabiha la mi da a la yela nɔɔ, ba da diti ka ŋwũũt, da'at ka kɔɔhit, kɔɔt ka mɛɛt. 29 Ka daase'er ka Lɔt da bah Sodom la, Na'ayen da bah ka buɣum ni kuga niit saazugu na sãɣum teŋ la zã'ã.

30 La nan ti a la yela nɔɔ dase'er ka Asaal Dawɔɔga nan nɛɛ U mɛŋ. 31 Daan den la, so n daan yaɣa gɔhug, un da sigi na yi u zaŋ u laɣare; yela nɔɔ ka so n daan be yeŋ ha un da leb kul naa. 32 Tẽrin Lɔt pɔɣɔ la yel. 33 Seba n mɔɔt yi ba gu ba vom nan kɔŋ bu, ka seba n kɔŋ ba vom nan nyɛ bu. 34 N yet ya mi wa, wo'on-koŋ la, nirib bayi nan laɣun dɔ; ba nan zaŋ nkɔ̃ keŋ ka bah nkɔ̃. 35 Bompɔɣɔh siyi nan laɣun nɛmit zom; ba nan zaŋ kakɔ̃ keŋ ka bah kakɔ̃?>>

37 Ka ba bɔ'ɔh U yii, <<Yaha, Daanaa?>> Ka U yel ba yii, <<Zĩ'ĩ ka dunkpiirig dɔ la, niga ka zũũt nan laɣahit?>>