1 Na'ab Tibɛriyɔs n da a Na'ab paa wom piiga ni anu la, Pontiyɔs Palet n da a Geudiya Gɔmena, ka Hɛrɔd mi da a Galili na'ab, ka u sɔ̃ɔ̃g Filip a Ituriya ni Trakonitis na'ab, ka Lisaniyas a Abilinɛ teŋ na'ab, 2 sankaŋ la Anass ni Kayafas n da a malemadem kpɛɛnam, ka Na'ayen yetɔɣum tã Zakariya dawɔɔ Geon sa'ani na sɛ̃ɣir la niŋa. 3 U da tɔɔlum Na'ayen tɔɣum la Geɔdan teŋ la zã'ã, tɔɣɔt pa'an ba kɔ'ɔm soob ni putẽ'ẽr tɛɛgir n nan bah ka Na'ayen zaŋ ba be'em bah te ba se'em, 4 a aa lan golih se'em dɔ Azaaya gbauŋ la niŋa la,

<<So nkɔr n kaahit yit sɛ̃k la ni na:

<Maahum mi Daan la sarɔɔg la,

bah mi ka U sarɔɔg la a ntɔɔ.

5 Bɔlimbɔɣɛh la waabi nan palih,

ka zɔya ni nkubirih zã'ã nan sirig sigi teŋ,

ka sɔrɔ ŋmɛlima nan tẽẽ ntɔɔ,

ka zĩse'e n a bɔɣa bɔɣa nan palih;

6 ka nirisaal buuri zã'ã nan nyɛ Na'ayen fããgir.> >>

7 Geon da yel nirikooŋ seba n ken u sa'ani na yi ba dɛ'ɛ soob la yii, <<Yam zankpããh buuri wa! Ɔn n kpã'am ya yi ya zo yi sãɣan se'eog n kenna la tã kpela na? 8 Iŋ mi se'el n nan pa'al yi ya tɛɛ ya vom. Ka da pĩ'ĩlin yet ya mɛŋ yii, <Ebraham n a tam ba;> n yet ya mi wa, Na'ayen tɔ'ɔn zaŋ kuga wa ka ba lebig biih te Ebraham. 9 Lɛɛŋ poɣun deŋ dɔ tiih la tila ni; ka tise'e n pu won wolesomaa, ba ŋmaagit ka mi lobit buɣum ni ha?>>

10 Ka nivokooŋ la bɔ'ɔh u yii, <<Ti pana nan iŋa yela?>>

11 Ka u lebih yii, <<Nyɛ so daan n tar fut tiyi lɔɔgum kukɔ̃ te so n pu tara; so mi n tar diit, iŋim yela nɔɔ?>>

12 Hali seba n a lempo-dɛ'ɛhirib da tã u sa'ani mi na yi ba dɛ'ɛ kɔ'ɔm soob, ka bɔ'ɔh u yii, <<Pa'alaa, ti nan iŋa yela?>>

13 Ka u yel ba yii, <<Da dɛ'ɛhirin gat ba n yel ya yi ya dɛ'ɛhit se'em laa?>>

14 Ka soogɛnam mi da bɔ'ɔh u yii, <<Ka tam mi, ti nan iŋa yela?>>

U da yel ba yii, <<Da pɛ̃rig bee pã'ãh so dɛ'ɛ laɣauho, bah mi ka ya nini tɛɣɛ ni ya wɔɔt la?>>

15 Nirib la da pɛ'ɛl mi ni putẽra, ka ba zã'ã bɔ'ɔhit ba sũũr ni yi Geon na, tɔ'ɔn a Fããt la, 16 Geon da lebih ba zã'ã yii, <<Mam soot ya mi ni kɔ'ɔm; ka so n kenna la, tar paŋ gaat mam; ka mam Geon pu sɛk yi n lorig u taɣara miihe. Ɔŋ daan nan so ya ni Vo'ohun Som Sii la ni buɣum. 17 U yɛɛlug ŋman-zak la be la U nu'uhin, yi U yɛɛl ki la zaŋ su doɣot ni; ka U nan ŋwɔ̃ ut la ni buɣunse'eb n dit ka pu kpĩŋit la?>> 18 Yela u da doliha tɔɣum berigu ni, tɔɔlum Na'ayen yelesomir la te nirib la.

19 Amaa Hɛrɔd n da a na'ab la, ka Geon da zɛrig u dol u sɔ̃ɔ̃g pɔɣɔ Hɛrɔdiya, ni toom-bese'et zã'ã ka Hɛrɔd da tom la, 20 u da le maan yalig u toon-gãliha la nko'og yit un da bah ka ba wo Geon sãriga doog niŋa la.

21 Un pana da so nirib la kɔ'ɔm soob ba'ah la, Yezu mi da tana dɛ'ɛ soob la ka pana po'ohit ka tensoŋ wo'o, 22 ka Vo'ohun Som Sii la da sigi U zugu na a aa nangban la. Ka nkɔr zɛ'ɛl tensoŋi na yet yii, <<Nyɛ a la N Dawɔɔ, Mam Sũnɔŋir bii; Nyɛ poŋi ka N tar popeelum zɔ'ɔ?>>

23 Yezu da a la wompihitã ka pĩ'ĩl U tooma. So woo da (tẽ'ẽh yi) Yezu a la Geuzɛf so n

a Heli dawɔɔ la dawɔɔ, 24 Heli da a la Mata dawɔɔ,

Mata da a la Livi dawɔɔ,

Livi da a la Meleki dawɔɔ,

Meleki da a la Gɛnnai dawɔɔ,

Gɛnnai da a la Geuzɛf dawɔɔ,

25 Geuzɛf da a la Mattatiyas dawɔɔ,

Mattatiyas da a la Emɔs dawɔɔ,

Emɔs da a la Nahum dawɔɔ,

Nahum da a la Esili dawɔɔ,

Esili da a la Naggi dawɔɔ, 26 Naggi da a la Maaf dawɔɔ,

Maaf da a la Mattatiyas dawɔɔ,

Mattatiyas da a la Semiyan dawɔɔ,

Simiyan da a la Geusek dawɔɔ,

Geusek da a la Geoda dawɔɔ,

27 Geoda da a la Geonam dawɔɔ,

Geonam da a la Risa dawɔɔ,

Risa da a la Zarubabɛl dawɔɔ,

Zerubabɛl da a la Siyatel dawɔɔ,

Siyatel da a la Neri dawɔɔ,

28 Neri da a la Meleki dawɔɔ,

Meleki da a la Adi dawɔɔ,

Adi da a la Kosam dawɔɔ,

Kosam da a la Elemadam dawɔɔ,

Elemadam da a la Er dawɔɔ,

29 Er da a la Gesuwa dawɔɔ,

Gesuwa da a la Eliyaza dawɔɔ,

Eliyaza da a la Georim dawɔɔ,

Georim da a la Matat dawɔɔ,

Matat da a la Livi dawɔɔ, 30 Livi da a la Simiyɔn dawɔɔ,

Simiyɔn da a la Geuda dawɔɔ,

Geuda da a la Geuzɛf dawɔɔ,

Geuzɛf da a la Geonam dawɔɔ,

Geonam da a la Eliyakim dawɔɔ,

31 Eliyakim da a la Miliya dawɔɔ,

Miliya da a la Mina dawɔɔ,

Mina da a la Mattata dawɔɔ,

Mattata da a la Netan dawɔɔ,

Netan da a la Devit dawɔɔ, 32 Devit da a la Gesi dawɔɔ,

Gesi da a la Obɛt dawɔɔ,

Obɛt da a la Bowazi dawɔɔ, Bowazi da a la Sala dawɔɔ,

Sala da a la Nasɔn dawɔɔ, 33 Nasɔn da a la Aminadab dawɔɔ,

Aminadab da a la Adimin dawɔɔ,

Adimin da a la Anni dawɔɔ,

Anni da a la Hezeron dawɔɔ,

Hezeron da a la Pɛris dawɔɔ,

Pɛris da a la

Geuda dawɔɔ, 34 Geuda da a la Gekɔb dawɔɔ,

Gekɔb da a la Aizik dawɔɔ,

Aizik da a la Ebraham dawɔɔ,

Ebraham da a la Tɛra dawɔɔ,

Tɛra da a la Nahɔr dawɔɔ,

35 Nahɔr da a la Sirug dawɔɔ,

Sirug da a la Rew dawɔɔ,

Rew da a la Pɛlig dawɔɔ,

Pɛlig da a la Ebar dawɔɔ,

Ebar da a la Sila dawɔɔ, 36 Sila da a la Kainan dawɔɔ,

Kainan da a la Afazad dawɔɔ,

Afazad da a la Sim dawɔɔ,

Sim da a la Nowa dawɔɔ,

Nowa da a la Lamɛk dawɔɔ,

37 Lamɛk da a la Mɛtusɛla dawɔɔ,

Mɛtusɛla da a la Enɔk dawɔɔ,

Enɔk da a la Gerid dawɔɔ,

Gerid da a la Mahalalil dawɔɔ,

Mahalalil da a la Kainan dawɔɔ, 38 Kainan da a la Enɔs dawɔɔ,

Enɔs da a la Sɛf dawɔɔ,

Sɛf da a la Adam dawɔɔ,

Adam da a la Na'ayen dawɔɔ.