Pese’eog n borig la maɣahir la
1 Nan-nan na, lempodɛ’ɛhirib ni yelebe’et dem la da ken lɛmit Yezu mi na yi ba wom U tɔɣum. 2 Ka Farasiinam ni gban-mi’irib la da buɣun yet yii, <<Ɔ̃ɔ̃ wa bɔɔt yelebe’et dem mi ka dit ni ba?>>
3 Ka U da mak maɣah dee la wa te ba: 4 <<Ya ɔni, n nan tar pihi kɔbig ka kukɔ̃ borig, ka u kun bah pihiwai ni ba wai la sɛ̃ɣir la ni, ka keŋ ti ɛ pese’eog n borig la, hali gur un ti nyɛ ku? 5 Ka un ti nyɛ ku, u kun zaŋ ku buk u bɔɣɔrin ka nyɛɛmit ni popeelum? 6 Ka un ti paa yirin na, u kun bɔɔl u zɔnam ni u kpɛ’ɛh, yet ba yii, nyɛɛm mi nim, ka n nyɛ m pese’eog n daa borig la.> 7 Yela nɔɔ, ka N yet ya wa, popeelum ni nyɛɛma nan zɔ’ɔ tensoŋ yir ha, yelebe’et daan nkɔ̃ n ki’ih u yelebe’et, gaat toonsoma dem pihiwai ni ba wai seba n pu ɛɛt yelebe’et ki’ihugo?>>