Keuliakegai 20

Ketsaime de kemmau

11 Pecai Ih hegwangbam keha kedi ge nah cika kebambe de ngau; pe dwade ting nah kideu pakdi, dede penui ziemne heni gede ngaulu tadi. 12 Pecai Ih ketsaime kedi keceu de ngau, hegwangbam dwa ga sap bam eh, nah laisiukwakdung de let pwabam. Pecai laisiukwak keda gede let pwabam, cide Kering Laisiukwak. Ketsaime de penui bata rehi gade laisiukwakdung gage raupwa keladung gade penui tutiak.✝20:12 Dan. 7:10 13 Jaaidi de peda kebam ketsaime de lungmpet beu. Ketsai nah Hades penai da kebam ketsaime de lungmpet beu, nah keheibe de penui tei kegai rehi gade penui tutiak. 14 Pecai Ketsai nah Hades de pwa mijaai gage kelien gaidi. Mijaai aide au ketsai pekenabe. 15 Keheibe de Kering Laisiukwak gage pezi raupwa bam eh ngaulu kemakbe de mijaai gage kelien gaidi.