Apocalipse 21

Jerusalem kehecibe

1 Pecai Ih tinggim keheci ge nah kideu keheci ge ngau. Tinggim keraide nah kideu keraide gahdi, nah jaaidi bam si tadi.✝21:1 Isa. 66:22 2 Nah Ih namdi kemci, Jerusalem keheci de, tinggim ga Tinggwang dade lakciube pui pe nahpei ziemne mtei teu eh kela nzwa hungla eh ngau. 3 Cidau Ih hegwangbam gade makwa ge sahbak eh rang kecu siu, "Ainie! Tinggwang paiki mina de ngngwa lungh dida, nah pa penuide ngngwa lungh zie. Penui pe minadung tei dizie, nah Tinggwang penuide ngngwa bamzie.*Kesa laisiudung, penui Tinggwang tei eh, de kecu kaisi dede laisiu yitubedung cide si lama. 4 Pa ne penui miak gade penui miakdui leune neu gi dizie nah cika ketsai, lungrei mede kehap mede keteei bam si lak. Cidungde bam si lakta kedanemene ma keraibedung gah dida.✝21:4 Isa. 25:8 5 Pecai hegwangbam ga kebambe rangdi, "Ainie! Ih ma pelane tei heci dida." Nah pa a da rangdi, "Aide de raulu, kedanemene aipau samdung de au nlumlukebuibe nah kesang lu."✝21:5 Isa. 42:9