Mateo 16

Amila ya Mafalisayo ne Masadukayo

5 Panaa vahemba va Yesu valevalowokha ilambo, valevewagwa khokepola mekate. 6 Yesu akavaweela, "Mwiyangalelage no khwikhala patale ne amila ya Mafalisayo ne Masadukayo."

7 Vahemba vakwe vandyaa khwipalela, "Akhopaala geeke kho nguno khotokhola mekate."

8 Yesu aleamanyaa maheewo gawe, akavaweela, "Onywenywe vantu vanaa mokhogoomba kedo, kho kee mokhwipalela kete motokhola mekate? 9 Mbi, mokhale mokhamanya mpakha seji? Mbi, mokhale mokombole venaa nalenamegan’ya mekate ejoo jetaano kho nguno ya vantu elufu jetaano? Mbi, mwalemwijolya vekhapu viinga vya masigelo? 10 Ao akhamokhokombola mekate eyoo saba yenaa valevalya vantu elufu jinee. Mbi, mwalemwijolya vekhapu viinga vya masigelo? 11 Mbi mokhamanya kete angile nkhavawela khwa mpola ja mekate? Gechoo, kenaa nkhopaala mwiyangalelage ne amila ya Mafalisayo ne Masadukayo."

12 Apenee vahemba vakwe vamanya kete angile akhakhopalela khougela amila ya khonogelelya mekate, ila angile akhopalela maligi ga Mafalisayo ne Masadukayo.