João 12

Ayesu atendakujingila ku Yelusalemu kwa kuhangalala

12 Malabhi jakwe, nkutuli nkolongwa gwa bhandu bhabhakahikanga mu lichobha likolongwa lya Pasaka bhakajoanga kubhee Ayesu akibha nndela kuhika ku Yelusalemu. 13 Bahi, bhakaheketanga nyaambi ya mikongo ja mitende, bhakabhokanga kujaula kwapokela, kongo bhabhikweanga lilobhe bhabhikulobholanga,

"Alumbalilwe Hangwana! Atendilwe gammbone jonojwe jwahika kwa lina lya Hangwana.

Atendilwe gammbone Amwenye bha Isilaeli!"

14 Ayesu bhakankolela mwana liponda jumo, akatama nnani jakwe handa chiijandikwe mu Majaandiko ga Annoongo,

15 Mwe mwa bhandu bha ku Yelusalemu, "Nkotokujogopa!

Nnole, Amwenye jwinu atendakuika,

akwelite mwana liponda!"

16 Bhabhachijigana bhabhe Ayesu kandahi bhangaelewa hikubho heye, nambo Annoongo pabhakalangia kubhee Ayesu chibhabhile akolo, penapo nga pabhakakombokaelanga kubhee hikubho heye hikajandikwa ligongo lyabhe, na kubhee bhandu bhakaatendela henela.

17 Nkutuli gwa bhandu bhenibhala bhabhakibhanga pamo na Ayesu pakaakema Alazalo kubhoka kulikabuli na kwayoa, bhatendita kujeneanga hikubho yela hiikabhokela. 18 Nga kwa ligongo bhandu bhajingi bhakajaula kwapokela, ligongo bhakajoanga chilolelo hecho chibhakatenda. 19 Henela Mafalisayo pabhakagabhona genago bhakakonyananga, "Bholi, tendakubhonanga? Ngakombolanga kutenda choachela! Nnolange, bhandu bhoa bha pachilambo bhatendakunkagula jonojwe."