João 6

53 Ayesu akaalobholelanga, "Kweli ndendakunlobholelanga, handa ngalyee mmele gwa Mwana jwa Mundu na kung’wee miyai jabhe, ngabhee na umomi nkati jinunji. 54 Mundu joajola jwaalyee mmele gwangu na kung’wee miyai jangu akweti umomi gwa machobha goa, na nenga mbakwayoa lichobha lya kupela. 55 Kwa kubhee mmele gwangu nga chakulya cha kweli na miyai jangu nga chakung’wee cha kweli. 56 Mudu joajola jwaalyee mmele gwangu na kung’wee miyai jangu, apakutama nkati jangu, na nenga mbakutama nkati jabhe. 57 Handa henela Atati jwabhile amomi chibhandumite, na nenga chindendakutama kupetela Atati, henela bhabhalye nenga apakutama kwa ndela jangu nenga. 58 Bahi, chenjeni nga chakulya chichitulwike kubhoka kunani kwa Annoongo, ngabha handa chakulya chikemitwa mana chibhakalyenganga akanahota bhitu ngapena bhenaangota bhakajomokanga. Nambo mundu jwaalyee chakula heche apakutama machobha goa."