4 Bhakaalobholela Ayesu, "Bhannyigana, hojo mwikege atekamulikwa abhikutenda ngoongola. 5 Mu Malagilo Amusa bhakatulagia apotwe maganga mwikege handa hojo, mpaka ajomoke. Nangocheni mwenga nkitabholi?" 6 Bhakakonya henela handa ntaambo bhapatange ndela ja kwaatakia. Nambo Ayesu akakotima, akajandika paundopi kwa lukonji lwabhe. 7 Pabhakapundanga kwaakonya, Ayesu akajinuka akaalobholelanga mundu joajola jwangalemwa alongolele kwampota liganga. 8 Ayesu akakotima kabhele na kujaandika pahi. 9 Bhandu bhala pabhakajohanga henela, bhakajemekanga kubhokanga jumo jumo, kujemekela akanaota. Ayesu akaigalila jikajabhe na jonijola mwikege abhi ajemite nnongi jabhe. 10 Ayesu akajimuka na kwaakonya jonijola mwikege, "Mwa amama, bhabhi koji bhandu bhabhakankamula, bholi, jwakwa mundu joajola jwatekunhukumula?"

11 Jonijola mwikege akaajangula, "Mwe mwa akolo jwakwa mundu jwatekuhukumula."

Ayesu akaalobholela, "Maha na nenga kabhele nganhukumula. Nyaule kwachinu nkotokutenda kabhele mabohu kabhele."