Marcos 8

Ayesu atendakwaapekeanga chaakulya bhandu handa elupu ncheche

1 Machobha genago, lilubhalo likolongwa lya bhandu likakondekana kabhele, na bhakibhangahopo na chaakulya. Bahi, Ayesu akaakemanga bhakanapunji bhabhe, akaalobholelanga, 2 "Ndendakwaakolela kiha habha bhandu ligongo bhabhilinge na nenga kwa machobha gatatu, na bhabhilingehopo na chakulya. 3 Handa naalekitinge bhajaulange kwaachabhenji kongo bhabhii na njala bhapakuhindukanga nndela, ligongo pakati jabhenji bhabhilinge bhandu bhabhabhokitinge kutali." 4 Bhanapunji bhabhe bhakaakonya, "Pambani palulemba chipakupatikana koo chaakulya cha kwaajukutianga bhandu habha bhoa?"

5 Ayesu bhakaakonyanga, "Mmilinge na mikate jilengwa?"

Bhakannyangula, "Tubhii na mikate saba."

6 Bahi, akaalobholelanga bhandu bhatamange pahi. Bhakaitola jenijela mikate saba, akachukulu Annoongo, akajimetula, bhakaapekeanga akanapunji bhabhe bhabhametulile bhandu, na bhenaangota bhakaametulila. 7 Kabhele pakibha na homba hichoko kachoko. Ayesu akaachukulu Annoongo, akaalobholelanga bhanapunji bhabhe bhaabhaganakie bhandu. 8 Bhandu bhakalyenganga, bhakajukutanga. Bhanapunji bhabhe bhakajolanga upolo ya mikate na bhakatweleanga hikapo saba. 9 Bhandu bhabhakalyenganga bhakibhanga bhandu handa elupu nchenche. Ayesu bhakaatabhukanga bhandu bhajaulange kwaachabhenji,