Romanos 1

22 Bhachitenda kubhee bhakolite malango, nambo bhamanyangahopo chilebhe. 23 Bhalekanga kwaachalila Annoongo jwaatama machobha goa pangali kupela, nambo bhachalilanga hidimu hiilandana na mundu jwaajomoka, kulandanikia na hinyama, hijuni na hinyama hiikwabha. 24 Henela Annoongo bhatekwaalekanga bhakagulange kulokolila kubohu kwa mitima yabhenji, na kutendelana hikubho ya oni kupetela mimele jabhenji. 25 Bhagutendebhua ukweli gwa Annoongo kubhee unami, bhatenda kuchalilanga na kuitumikilanga hilebhe hialakikwe na Annoongo, na kuleka kwaachalila Annoongo mwene jwaatekuhalakia, jwapalikwa kulumbalilwa machobha goa! Na hibhee henela. 26 Henela Annoongo akabhalekanga bhakagulange kulokolila kwabhenji kubohu na kwa oni. Hata akahikege bhakatekulekanga kutenda handa chiiyobhalilike ja kulombwa na akanalome nambo bhatendakulombelana akaachinabhenenji. 27 Akanalome hiyoyo bhatendakulekanga kutumianga yeega yabhenji handa chiipalikwa kwa mwanalome na mwikege, na akanalome bhatendelananga hikubho ya oni, kwa kutenda henela Annoongo apakwahukumulanga kubhokana na hikubho yabhenji hibohu.