Atos 7

44 <<Kukub atsintsim mɔr ne yi ne ibur kɛ du lɛ ne zizik, ir keŋ ndi Musa ne di abɛ na kɛ, ir keŋ ndi ne yik kɛ. 45 Bur kǝŋe atsǝntsǝm amɔr ne takɛ ne mkpaŋ kɛ Joshuwa, ne kpaŋ kɛŋ ndi ne ta tuno bǝn aner baŋ ndi Arik ne yar ba ne tii men, ibur kǝŋe yime har kpaŋ kɛ Doda, 46 Waŋ ndi ne yik iki didik te ben Arik, te wɔb te wa bɛ mee Arik you Yakubu ibur. 47 Ama ne yi Solɔmɔn wa ne yi ne me Arik akabaŋkɔŋ ma.

48 Ne me, Arik Ŋgɔŋ ba sɔŋ ne kɔb kɛ me neshir ba. ir keŋ ndi Ishaya ine bla shar yi Arik ne di:

49 <<<Arik, ne di, igbarshu kɛ yi amkpa ne sɔŋɔ muŋ, Mimi yi amkpa ane sak aza muŋ, izhin te mem ikɔb irtake? Arik arib. Ai mee yi amkpa ane sɔŋ sik amuŋ?

50 Ba yi aŋɔk amuŋ ben mgbyamgbyaŋ muŋ kɛ me ne na kiki yiŋɛ kai?>