સંદર્શન 22

એદનની પુનઃસ્થાપના

1 પછી દૂતે મને જીવનના પાણીની નદી બતાવી, જે સ્ફટિક જેવી સ્વચ્છ હતી, ઈશ્વરના તથા હલવાનના રાજ્યાસનમાંથી વહેતી હતી. 2 તે નદી નગરનાં રસ્તાની મધ્યમાં હતી. નદીની બન્ને બાજુએ જીવનનું વૃક્ષ હતું. તેની પર બાર પ્રકારના ફળ લાગતાં હતાં, દર મહિને તેને નવાં ફળ આવતાં હતાં, અને વૃક્ષનાં પાંદડાં સવઁ પ્રજાઓને નિરોગી કરે છે. 3 હવે પછી કંઈ પણ પ્રકારનો શાપ થનાર નથી. શહેરમાં ઈશ્વરનું તથા હલવાનનું રાજ્યાસન થશે, અને તેમના સેવકો તેમની સેવા કરશે. 4 તેઓ તેમનું મુખ જોશે, અને તેઓનાં કપાળ પર તેમનું નામ હશે. 5 ત્યાં કદી રાત પડશે નહિ. ત્યાં દીવાના અજવાળાની કે સૂર્યના પ્રકાશની જરૂર નથી કેમકે પ્રભુ ઈશ્વર તેઓ પર પ્રકાશ પાડશે. અને તેઓ સદાસર્વકાળ રાજ કરશે.