18 તેઓએ તેનાં માબાપને બોલાવ્યાં ત્યાં સુધી હજું પણ તેઓ વિશ્વાસ કરતા ન હતા કે અંધને તેની દ્રષ્ટિ મળી છે. 19 તેઓએ પૂછયું, "શું આ તમારો દીકરો છે, જેને વિશે તમે કહો છો કે તે જન્મથી જ અંધ હતો? તો હવે તે શી રીતે દેખતો થયો છે?"
20 માબાપે જવાબ આપ્યો, "અમે જાણીએ છીએ કે તે અમારો દીકરો છે, અને અમે જાણીએ છીએ કે તે જન્મથી અંધ હતો; 21 પણ હવે તે કેવી રીતે દેખતો થયો અને તેની આંખો કોણે ઉઘાડી તે અમે જાણતા નથી. તે પુખ્ત વયનો છે, તેને જ પૂછી જુઓ, તે પોતે જ કહેશે." 22 તેના માબાપ યહૂદી આગેવાનોથી બીતા હતાં માટે તેઓએ એમ કહ્યું, કેમકે તેમણે અગાઉથી ઠરાવ કયોઁ હતો, કે ઈસુ તે જ મસીહ છે તેવું કબૂલ કરનારને સભાસ્થાનની બહાર મૂકવો. 23 તેથી તેનાં માબાપે કહ્યું હતું કે, "તે પુખ્ત વયનો છે, તેને પૂછો."