માથ્થી 12

ઈસુની માતા અને ભાઈઓ

46 જયારે હજુ ઈસુ ટોળાની સાથે વાત કરતા હતા, ત્યારે તેમનાં માતા અને ભાઈઓ બહાર ઊભા હતા ને તેમની સાથે વાત કરવા રાહ જોતાં હતાં. 47 કોઈએ તેમને કહ્યું, "તમારા માતા અને ભાઈઓ બહાર ઊભા છે ને તેઓ તમારી સાથે વાત કરવા માંગે છે."

48 તેમણે તેમને જવાબ આપ્યો, "મારી માતા કોણ છે અને મારા ભાઈઓ કોણ છે?" 49 પોતાના શિષ્યો તરફ આંગળી ચીંધીને તેમણે કહ્યું, "આ રહ્યાં મારી માતા અને મારા ભાઈઓ. 50 જે કોઈ સ્વર્ગમાંના મારા પિતાની ઇચ્છા પ્રમાણે કરે છે, તે જ મારા ભાઈ, બહેન અને માતા છે."