માથ્થી 17

ઈસુ અશુધ્ધ આત્મા વળગેલાં છોકરાને સાજો કરે છે

14 જયારે તેઓ ટોળા પાસે આવ્યા, ત્યારે એક માણસ ઈસુની આગળ આવીને ઘુંટણે પડયો, 15 તેણે કહ્યું "પ્રભુ! મારા દીકરા પર દયા કરો, તેને વાઈનું દરદ છે ને તે ઘણો પીડાય છે. તે વારંવાર અગ્નિમાં, અને પાણીમાં પડે છે. 16 હું તેને તમારાં શિષ્યો પાસે લાવ્યો પણ તેઓ તેને સાજો કરી શક્યાં નહિ."

17 ઈસુએ જવાબ આપ્યો, "ઓ અડીયલ, અને અવિશ્વાસી પેઢી!" ઈસુએ જવાબ આપ્યો, "હું કયાં સુધી તમારી સાથે રહીશ? કયાં સુધી હું તમારું સહીશ, છોકરાંને અહીં મારી પાસે લાવો." 18 ઈસુએ અશુધ્ધ આત્માને ધમકાવ્યો ને તે છોકરામાંથી બહાર આવ્યો. અને તે ઘડીએ તે સાજો થયો.