માથ્થી 4

ઈસુ તેમના પ્રથમ શિષ્યોનું તેડું આપે છે

18 જયારે ઈસુ ગાલીલના સમુદ્રને કિનારે ચાલતાં હતા, તેમણે બે ભાઈઓને જોયા, સિમોન જે પિતર કહેવાય છે તથા તેના ભાઈ આન્દ્રિયાને. તેઓ સમુદ્રમાં જાળ નાખતા હતા, કેમકે તેઓ માછીમાર હતા. 19 ઈસુએ તેઓને કહ્યું, "મારી પાછળ ચાલો અને હું તમને માણસોના પકડનારા બનાવી બહાર મોકલીશ." 20 તરત પોતાની જાળો મૂકીને તેઓ તેમની પાછળ ચાલી નીકળ્યાં.

21 ત્યાંથી આગળ જતા તેમણે બીજા બે ભાઈઓને જોયા, યાકોબ અને યોહાનને, તેઓના પિતા ઝબદી સાથે હતા, તેઓ તેમના પિતા ઝબદીની સાથે હોડીમાં તેઓની જાળો સાંધતા જોઈને ઈસુએ તેઓને બોલાવ્યાં. 22 તરત તેઓ હોડીને તથા તેમના પિતાને મૂકીને તેમની પાછળ ચાલી નીકળ્યાં.