Lucas 2

Yeisu Mama

1 Fyi ń anyipyei yii, Kaisa Agwotusu wa ga ɓəgbetu nge a bà aza ń Roma əknyi vnyanya. 2 (Dəye nu ɓə zhni azaba kpmisnui əsa ń Kwurinus ɓə zhni gwomna tu n Siriya nyi.) 3 Zahozahoyi wa jezelo əwo əzhi nabai wa lo aa ka əwo əye.

4 Ntulonu Yusufu cè, wa fa Nazereti dna n Gəlili, wa gwnulo Baitalamyi ń Yahudiya əknyi ń Dawuda əzhi, ntuge wo ɓə gbmi ń əbyé yi nu. 5 Wo ɓə lo əzhi yi aa ka əwo əye nu ɓədo n Mariyamwui ń a ɓə la wo dù, wa pamwula n woi nyi, jesnu əwo əɓyima sa ɓə la gá kwa si.