Mateus 8

Yeisu la agbmaase nazhi

23 Nlonu wa lodna n əya nuwnanya jesnu əwo amwutuyi ɓa vyi wo. 24 Ntna əsagyii agbmaase nukwoi ɓa ɓe kpe n nuwna-znudna, ntulonu nuwna-adokwo ɓa shefyi n əya nuwnanya. Ama Yeisu ɓə dna woi wnagye. 25 Amwutuyi ɓa lo ɓa kwnu wo agyewyiya, ɓai gna, "Dagayi, gnyi yi! Yi ye ya ɓwunuwna nu!"

26 Wa dnaɓəgbe, "Əfye agaiciyaganunui agbagbaida, knyiyi nu zhni fyei wodna nsnu nlai a?" Nlonu wa laka gnyi wa gnaknyi ase n nuwna-adokwoi, ɓaa nazhi vnyanya.

27 Ca wo aza jesnu ɓa nyaɓo, "Nyika pya nu gnyi n əza yei a? Kwo ase n nuwna-adokwoi ɓai vyi əwo ɓəgbetu!"