1 Ke ayọhọ isua duob mme itiaita ke ukara Yerobuam, Abiya amaakappa ado adidem ke Yuda, 2 anye amaanyʌñ akara ke Yeruselem ke isua ita. Anyịñ eka amọ akedo Maaka, ayịn awonwaan Uriel ke Kibia.

Ekọñ amaaba ke ufọọd Abiya ye Yerobuam. 3 Abiya amaakama mme akobidem ideen tọsịn ikie inaañ (400,000) akaa ekọñ, ndin Yerobuam amaakama mme akobidem udịmekọñ tọsịn ikie itiaita (800,000) anwana ekọñ ye anye.

4 Abiya akeda ke Abod Semaraim, ke abod abio Ifrem, anyʌñ abo, "Yerobuam ye afịd Isrel, ikpañ utọñ innọ miin! 5 Nte ndufo idiọọñọke ke Abọọñ, Abasi Isrel, amaaben itie adidem Isrel anọ Defid ye ubon amọ ke nsi-nsi ke edioomo inʌñ? 6 Ado Yerobuam ayịn Nebad, adaaha Sọlọmọn ayịn Defid, amaasọñ iwuod ye eteufọk amọ. 7 Usʌk abʌd-abʌd awo emaesoobo itie keed ekanna anye enyʌñ enam ikọ ye Rehoboam ayịn Sọlọmọn idaha anye akedooho etəkayịn anana ubiere inyʌññọ inie adudu ikem adinwana ye ammọ.

8 "Ndin idahami ndufo ekere edinwana ye abio adidem ake Abọọñ, a-asịneke ke ubọk ubon Defid. Ndufo emenie ekamba udịmekọñ enyʌñ enie mme ubobod ñyịn enañ kold ake Yerobuam akenamma nte mme abasi ndufo. 9 Ado nte ndufo ikibịneke mme aku Abọọñ, nditọ ideen Erọn, ye mme Lifai, isioño, ndin enam mme aku enọ idem ndufo naña mbon idʌñ mfen enam? Awo akeedodo a-adiighe adinam idem amọ asana ke ñyịn ayaaraenañ ye akukịmedọñ itiaba akeme adikappa ndo aku nnọọ se imiidooho mme abasi.

10 "Ama ado ñnyịn, Abọọñ ado Abasi ñnyịn, ndin ñnyịn ikpọññọ anye. Mme aku e-enamma ñkpọ enọ Abọọñ edoñño nditọ ideen Erọn, ndin mme Lifai esinọ ammọ unwam. 11 Afịd ubakusen ye ndubiayio ammọ enọ Abọọñ ufọfọb uwa ye anemufịk insensi. Ammọ esioño uyo edoot ke adisana akpokoro enyʌñ edomo utuenikañ edot ke uwuuk utuenikañ kold afịd ndubiayio. Ñnyịn iminịm se Abọọñ Abasi ayem inam. Ado ndufo emesịn anye. 12 Abasi mmọdo aba ye ñnyịn; anye ado andidat ñnyịn usʌñ. Mme aku amọ ye mme adukpoñ ammọ eyaefịt ukood awo anwan ye ndufo. Mbon Isrel, ikiinwana ekọñ ye Abọọñ, Abasi mme eteete ndufo, sia ndufo idiikịtte unen."

13 Yerobuam amaadọñ mbon ekọñ ekanna ke edem, nọ ado ke ini anye adaaha ke iso Yuda mme andisịne ke ikọd emaeba ke edem ammọ. 14 Yuda amaakanna anyen ase anyʌñ akịt abo ke enwana ye mmimọ ke iso ye ke edem. Ammọ ndin emaesio ñkpo ebọñ ekoot Abọọñ. Mme aku emaefịt adukpoñ ammọ 15 mbon Yuda emaenyʌñ ekwaaha ñkpo ikọd ekọñ. Ke adibọñ ñkpo ikọd ekọñ ammọ, Abasi amaasuakka Yerobuam ye afịd Isrel ke iso Abiya ye Yuda. 16 Mbon Isrel emaefeeñe ke iso Yuda, Abasi amaanyʌñ ayaak ammọ asịn ke ubọk ammọ. 17 Abiya ye udịmekọñ amọ emaesịn ekamba nsobo ke atu ammọ, ke ntoro ñkpọsọñ awo tọsịn ikie ition (500,000) emaekpañña ke Isrel. 18 Ke adinam ado emaesuuhọ mbon Isrel, ndin mbon Yuda emaekan sia ammọ ekebuọt idem ye Abọọñ, Abasi mme eteete ammọ.

19 Abiya amaabịne Yerobuam anyʌñ abọ anye mme abio Beteel, Yesana ye Efrọn, ye mme ñkanñkʌk idʌñ ammọ. 20 Yerobuam ikikanna imaana ibọ ukara aba ke ini Abiya. Abọọñ amaanyʌñ amia anye anịm ndin anye amaakpa.

21 Ado Abiya amaakaa iso akpon ke adudu. Anye akedọ ibaan duob mme inaañ anyʌñ anie nditọ ideen edịb mme iba ye nditọ ibaan duob mme itiokeed.

22 Mme adinam mfen ke ukara Abiya, se anye akenam ye se anye aketañ, edo se ewet ke mme mbʌk prọfed Iddo.