Udiana Ñwed Krọnikịd 27

Yọtam Adidem Yuda

1 Yọtam akedo isua edịb mme ition idaha anye akedooho adidem, ndin anye amaakara ke Yeruselem isua duob mme itiokeed. Anyịñ eka amọ akedo Yerusa ayịn awonwaan Sadọk. 2 Anye amaanam se inen ke iso Abọọñ, kpa naña ete amọ Usaiya akenam, ado anye ikidʌkkọ tembịd Abọọñ naña ete amọ akenam. Mbon awo, naña akedo, emaekaa iso ke adinam ndiọiñkpọ. 3 Yọtan amaatịmme abọp Inuaatob Anyọñ ke tembịd Abọọñ anyʌñ anam akpọsọñ utom ke ndibene abod Ofel. 4 Anye amaabọp mme abio ke abod abio Yuda ye mme ñkpọsọñ itie ye mme tọwa ke mme esịd akai.

5 Yọtam amaatịppe ekọñ ye adidem mbon Amọn anyʌñ akan ammọ. Ke isua ado mbon Amọn emaekpe anye talen silfa ikie keed*27:5 A-adooho ñkpọ nte tọọn 3 3/4 me ñkpọ nte metrịk tọọn 3.4, kọọ abakpa tọsịn duob*27:5 A-adooho ñkpọ nte tọọn 1,800 me ñkpọ nte metrịk tọọn wiid 1,600 (10,000) ye kọọ baali tọsịn duob*27:5 A-adooho ñkpọ nte tọọn 1,500 me ñkpọ nte metrịk tọọn baali 1,350 (10,000). Mbon Amọn emaekaa iso eben ukem mme ñkpọ ado esọk anye ke ayọhọ isua iba ye ayọhọ ita.

6 Yọtam amaakpon ke adudu sia amaasaña ke mbuọdidem ke iso Abọọñ Abasi amọ.

7 Mme ñkpọntịppe mfen ke ukara Yọtam, dian afịd mme ekọñ amọ ye mme ñkpọ mfen anye akenamma, ewet esịn ke ñwed mme ndidem Isrel ye Yuda. 8 Anye akedo isua edịb mme ition idaha anye akedooho adidem, ndin anye amaakara ke Yeruselem isua duob mme itiokeed. 9 Yọtam amaaduọk adudu ye mme eteete amọ emaenyʌñ ebuuk anye ke Abio Defid. Ndin Ahas ayịn amọ awodeen amaadat itie amọ nte adidem.