1 Ndin Sofa awo Naama amaabọọrọ:

2 "Nte afịd mme ikọ ami ayaaboiyo inieghe ibọọrọ?

Nte atañutañ ami ayaakan ikañ idem amọ ke imọ idueghe?

3 Nte ikpu-ikpu ikọ mfo ayaanam mbon mfen edop uyio?

Nte idiibaaha awo se isua unọọ fiin ke idaha afo anọọhọ awo ñnyọọ?

4 Afo abo Abasi, ‘Se ami nnịm ke akpanikọ inieghe ndo

ami ñnyʌñ ndo adisana ke iso mfo.’

5 Sai, naña ami ñkap ndot anyen mbo ke Abasi ayaatañ ikọ,

ke anye ayaanyʌñ atat ñkpọkinua amọ ubaña fiin

6 anyʌñ ayaara unọ fiin mme ndedịbe ñkpọ aniọñ,

sia ataa aniọñ akpanikọ anie mbeñ iba.

Diọọñọ ntom: ke Abasi amaafre ubaak idiọọkñkpọ mfo.

7 "Nte afo amekan adiọọñọ mme ndedịbe ñkpọ Abasi?

Nte afo amekan aduuñọ akịt mme adaña ukeme Andikoñ Ñkan?

8 Ammọ ekoñ ekan mme hefịn ke anyọñ; nsoo ke afo akan anam?

Ammọ etəño ekan udem esịd isọñ; nsoo ke afo akan adiọọñọ?

9 Udomoñkpọ ammọ anyọọñ akan ederimbod

anyʌñ atara ukpa akan akpainyañ.

10 "Anye akpediboiyo anyʌñ ufʌt fiin asịn ke ufọk ñkpakọb

anyʌñ akoot esob abono, anie ikpikan adikpan anye?

11 Ke akpanikọ anye adiọọñọ mbon abiaña;

ndin anye amaakịt idiọọkñkpọ, nte anye ikpinịmme idiọọñọ?

12 Ado awo unana ifiọk idiikanna inie aniọñ aba

ikan ayaara dọñki ikọd adikappa mmana nte awo."

13 "Ado afo ukpuyaak esịd mfo unọ anye

anyʌñ anyan ubọk mfo akeene anye,

14 adieke afo atoppo idiọọkñkpọ ake usịneke fiin ke ubọk aduọọk

unyʌññọ uyak idiọọkñkpọ ndomokeed adʌñ ke atayad mfo,

15 ñko, ke umaunana ndudue, afo ayaabenne iso mfo;

afo ayaasọọñọ ada mfọn-mfọn ukoppo ndịk.

16 Ke akpanikọ afo ayaafre mme mfịna mfo,

anyʌñ atoiyo anye ukem nte mfịna mmọọñ amaakekebe.

17 Uwem ayaayamma akan uweemeayio,

ndin ekịm ayaakappa atie nte ubakusen.

18 Afo ayaanie nsọọñọnda, sia idodanyen a-aba;

afo ayaase ñkanñkʌk mfo anyʌñ abọ nduọkadudu ke ifuuro.

19 Afo ayaasuuk ana, ndin ibaaha awo ndomokeed se idiinam yak afo akop ndịk,

ndin uwak awo eyaeyem mfọn mfo.

20 Ado anyen mme idiọọk awo idiikịtte ñkpọ aba,

ñko ammọ idiikanna ifeghe ibọkkọ;

idodanyen ammọ ayaakappa ado inweek ñkpa."