इयोब 38

4 "मैले पृथ्वीको जग बसाल्दा तँ कहाँ थिइस्?

यदि तैँले बुझेको छस् भने मलाई भन्।

5 पृथ्वीको नाप कसले गर्‍यो? निश्‍चय नै तँलाई थाहा होला!

कसले यसको वरिपरि नाप्‍ने रेखा खिच्यो?

6 पृथ्वीका खम्बाहरू केमाथि अड्याइएको छ,

अथवा कसले त्यसको कुनेढुङ्गा बसाल्यो?

7 जब बिहानको ताराहरूले एकसाथ गाउँदा

र सारा स्वर्गदूतहरू*38:7 अथवा मूल भाषामा परमेश्‍वरका पुत्रहरू आनन्दले जयजयकार गर्दा तँ कहाँ थिइस्?

8 "पृथ्वीको गर्भबाट समुद्र फुटिनिस्कँदा,

कसले समुद्रको ढोका थुनिदियो?

9 जब मैले बादललाई पृथ्वीको वस्त्र बनाएँ,

र यसलाई बाक्लो अन्धकारले लपेटिदिएँ,

10 जब मैले यसको सिमाना तोकिदिएँ, र त्यसका ढोकाहरू

र आग्लाहरू ठिक ठाउँमा राखिदिएँ,

11 तब मैले भनेँ, ‘तँ यतिसम्म मात्र आउन सक्छस् र यहाँभन्दा अगि होइन;

अनि तेरा घमण्डी छालहरू यहाँ अडिऊन्।’