12 तर बुद्धिचाहिँ कहाँ फेला पार्न सकिन्छ?

समझशक्तिको बास कहाँ छ?

13 मरणशील मानिसले त्यसको मूल्य बुझ्दैन;

यसलाई जीवितहरूको देशमा पाउन सकिँदैन।

14 महासागरले भन्छ, "त्यो बुद्धि मभित्र छैन";

समुद्रले भन्छ, "त्यो मसित छैन।"

15 त्यसलाई अति निखुर सुनले पनि किन्‍न सकिँदैन;

न त त्यसको मूल्य चाँदीमा तौलन सकिन्छ।

16 त्यसलाई ओपीरको सुनले समेत किन्‍न सकिँदैन,

बहुमूल्य रत्नहरू अथवा नीलमणि समेत पर्याप्‍त हुन्‍न।

17 त्यसको तुलना न सुन, न त स्फस्टिकसँग नै गर्न सकिन्छ;

न त त्यसलाई सुनको गहनाले किन्‍न सकिन्छ।

18 मुगा र बिल्‍लौरको त नाम नै नलिए पनि हुन्छ;

बुद्धिको मूल्य लालमणिभन्दा माथि हुन्छ।

19 कूश देशको पुष्पराजसँग पनि बुद्धिको तुलना गर्न सकिँदैन;

बुद्धिलाई निखुर सुनले पनि किन्‍न सकिँदैन।

20 त्यसो भए बुद्धि कहाँबाट आउँछ,

र समझशक्तिको बास कहाँ छ?

21 त्यसलाई त प्रत्येक जीवित प्राणीहरूका आँखाहरूबाट गुप्‍तमा राखिएको छ,

अनि आकाशमा उड्ने पक्षीहरूबाट पनि त्यसलाई लुकाइएको छ।

22 विनाश*28:22 मूल भाषामा विनाशकर्ता र मृत्युले भन्छन्,

"हाम्रो आफ्नै कानमा केवल यसको हल्‍ला मात्र पुगेको छ।"