भजन-संहिता 100

धनबाद अऊ महिमा देय बर एक भजन।

1 हे धरती के जम्मो मनखेमन, यहोवा बर आनंद के मारे चिचियावव।

2 खुस होके यहोवा के अराधना करव;

आनंद के गीत गावत ओकर आघू म आवव।

3 ये बात ला जानव कि यहोवा ही परमेसर अय।

ओही ह हमन ला बनाय हवय, अऊ हमन ओकरेच अन*100:3 या अपन खुद के नो हन;

हमन ओकर मनखे, ओकर चरागन के भेड़ अन।

4 धनबाद करत ओकर कपाट के भीतर

अऊ परसंसा करत ओकर अंगना म जावव;

ओला धनबाद देवव अऊ ओकर नांव के महिमा करव।

5 काबरकि यहोवा ह बने अय अऊ ओकर मया हमेसा बने रहिथे;

ओकर बिसवासयोग्यता ह जम्मो पीढ़ी म बने रहिथे।