1 मेंह अपन नजर तोर कोति करथंव,

तोर कोति, जऊन ह स्वरग म बिराजमान हे।

2 जइसे कि दासमन के नजर ह अपन मालिक के हांथ कोति,

जइसे कि दासी के नजर ह अपन मालकिन के हांथ कोति लगे रहिथे,

वइसे ही हमर नजर ह यहोवा, हमर परमेसर कोति तब तक लगे रहिथे,

जब तक कि ओह हमर ऊपर अपन दया नइं देखावय।

3 हे यहोवा, हमर ऊपर दया कर, हमर ऊपर दया कर,

काबरकि हमन बहुंत अपमान सहे हन।

4 घमंडी मनखेमन हमर

बहुंत हंसी उड़ाय हवंय,

घमंडी मनखेमन के हमन घोर अपमान सहे हन।