भजन-संहिता 129

आरोहन के एक गीत।

1 इसरायल ह कहय,

"मोर जवानी के समय ले ओमन मोर ऊपर बहुंत अतियाचार करे हवंय,

2 मोर जवानी के समय ले ओमन मोर ऊपर बहुंत अतियाचार करे हवंय,

पर ओमन ला मोर ऊपर कभू जीत नइं मिलिस।

3 नांगर चलइयामन मोर पीठ म नांगर चलाय हवंय

अऊ लम्बा-लम्बा घारी बनाय हवंय।

4 पर यहोवा ह धरमी ए;

ओह दुस्टमन के डोरी के बंधना ला काटके मोला सुतंतर कर दे हवय।"

5 जऊन मन सियोन ले घिन करथें

ओमन सरम के मारे लहुंट जावंय।

6 ओमन छानी ऊपर जामे कांदी सहीं होवंय,

जऊन ह बढ़े के पहिले अइला जाथे;

7 जेला कोनो लुवइया अपन हांथ म नइं धर सकय,

न ही कोनो ओला अपन हांथ म कुढ़ो सकथे।

8 जऊन मन उहां ले होके जाथें, ओमन ये झन कहंय,

"यहोवा के आसीस तुम्हर ऊपर होवय;

हमन तुमन ला यहोवा के नांव म आसीस देवत हन।"