1 यदि घर ला यहोवा ह नइं बनावय,

त ओकर बनानेवालामन के मेहनत ह बेकार होथे।

यदि सहर के पहरेदारी यहोवा ह नइं करय,

त पहरेदारमन के पहरेदारी ह बेकार होथे।

2 तुमन बेकार म बड़े बिहनियां उठथव

अऊ देर रात तक जागके

जेवन बर मेहनत करथव—

काबरकि ओह ओमन ला नींद देथे, जेमन ले ओह मया करथे।

3 लइकामन यहोवा के दुवारा दिये गय भाग होथें,

लइका ह ओकर कोति ले दिये गय एक ईनाम ए।

4 जइसे एक योद्धा के हांथ म तीरमन होथें,

वइसे जवानी के समय म जनमे लइकामन होथें।

5 धइन अय ओ मनखे

जेकर तरकस ह ओमन ले भरे हवय।

जब ओमन अदालत म अपन बिरोधीमन के सामना करहीं

त ओमन ला लज्जित होना नइं पड़ही।