9 जवान ह अपन चालचलन ला कइसे सुध रख सकथे?
तोर बचन के मुताबिक चले के दुवारा।
11 मेंह तोर बचन ला अपन हिरदय म रखे हंव
ताकि मेंह तोर बिरूध पाप झन करंव।
15 मेंह तोर उपदेस ऊपर मनन करथंव
अऊ तोर बातमन ऊपर बिचार करथंव।
16 मोला तोर बिधि-बिधान ले खुसी होथे;
मेंह तोर बचन ऊपर धियान दूहूं।
ג गीमेल
47 मेंह तोर हुकूममन ला मानके खुस होथंव,
काबरकि मेंह ओमन ले मया रखथंव।
48 मेंह तोर हुकूममन कोति हांथ बढ़ाथंव, जेमन ले कि मेंह मया रखथंव,
ताकि मेंह तोर बिधिमन ऊपर मनन करंव।
ז जईन
97 अहा! तोर कानून ले मेंह कइसने मया करथंव!
दिन भर मेंह येकर ऊपर मनन करत रहिथंव।
98 तोर हुकूममन हमेसा मोर संग हवंय
अऊ मोर बईरीमन ले मोला जादा बुद्धिमान बनाथें।
99 मोर जम्मो गुरूमन ले मोर म जादा समझ हवय,
काबरकि मेंह तोर नियममन ऊपर चिंतन-मनन करत रहिथंव।
100 मोर म अगुवामन ले जादा समझ हवय,
काबरकि मेंह तोर नियममन के पालन करथंव।
105 तोर बचन ह मोर पांव बर दीया,
अऊ मोर रसता बर अंजोर अय।
147 मेंह बिहान होय के पहिले उठथंव अऊ मदद बर गोहारथंव;
मेंह तोर बचन ऊपर अपन आसा रखे हंव।
148 मोर आंखी ह रथिया के जम्मो पहर खुला रहिथे,
ताकि मेंह तोर वायदामन ऊपर मनन कर सकंव।