Salmos 15

दाऊद के एक भजन।

1 हे यहोवा, तोर पबितर तम्बू म कोन निवास कर सकथे?

तोर पबितर पहाड़ म कोन रह सकथे?

2 ओ, जेकर चालचलन ह निरदोस हे,

जऊन ह धरमी काम करथे,

जऊन ह अपन हिरदय ले सच बोलथे;

3 जेकर मुहूं ले निन्दा के बात नइं निकलय,

जऊन ह अपन परोसी के बिरूध कोनो गलत काम नइं करय,

अऊ आने मन के निन्दा नइं करय;

4 जऊन ह दुस्ट मनखे ला तुछ समझथे

पर ओमन के आदर करथे, जेमन यहोवा ले डरथें;

जऊन ह हानि उठाके घलो अपन सपथ ला पूरा करथे,

अऊ अपन मन ला नइं बदलय;

5 जऊन ह बिगर बियाज के गरीब ला अपन पईसा उधार देथे;

जऊन ह निरदोस मनखे ले घूस नइं लेवय।

जऊन ह ये काममन ला करथे,

ओह कभू नइं डोलय।