भजन-संहिता 31

1 हे यहोवा, मेंह तोर सरन म हंव;

मोला कभू लज्जित झन होवन दे;

अपन धरमीपन के कारन मोला छुड़ा ले।

2 मोर कोति अपन कान लगा,

अऊ मोला बचाय बर जल्दी आ;

मोर सरन के चट्टान बन,

अऊ मोला बचाय बर एक मजबूत गढ़ बन जा।

3 जब तेंह मोर चट्टान अऊ मोर गढ़ अस,

त अपन नांव के खातिर मोर अगुवई कर अऊ मोला डहार देखा।

4 मोर बर लगाय गे फांदा ले मोला बचा ले,

काबरकि तेंह मोर सरन लेय के जगह अस।

5 तोर हांथ म मेंह अपन आतमा ला सऊंपत हवंव;

हे यहोवा, मोर बिसवासयोग्य परमेसर, मोला छोंड़ा ले।