3 "याकबे आद-लुआद, ज़ुंण तम्हैं मेरी परज़ा इज़राईली मांझ़ै ज़िऊंदै आसा बच़ै दै,

तम्हैं शूणां कि हुंह बिधाता किज़ै बोला।

हुंह आसा हुऐ ज़ल्मां ओर्ही तम्हां भोसल़ै रगाऊंदअ लागअ द।

4 तम्हैं खास्सै प्रोढै बी होए अर थारै मूंड पल़ू करै शेतै हणैं तैणीं

रहणअ मुंह इहै ई रगाऊंदै लागी।

किल्हैकि थारअ परमेशर आसा हुंह,

तम्हैं आसा मंऐं बणाऐं दै अर धाचणै बी तम्हैं मुंह ई।

तम्हैं डाहणैं मुंह इहै ई ढाकी अर बच़ाऊई।