ईशायाह 53

5 पर तेऊ लै पल़ै म्हारै पापा पिछ़ू ज़खम,

म्हारै पापी कामां पिछ़ू पल़ी तेऊ मार।

तेऊ ज़िरी सह सज़ा कि म्हारअ मेल़-ज़ोल़ होए,

तेऊ ज़िरै घोर दाह-दुख कि हाम्हैं ताज़ै-नरोगै होए।✝53:5 रोम. 4:25; 1 पत. 2:24

6 ✝ 53:6 भज. 119; जेर. 50:6 हाम्हैं सोभै तै एही भेडा ज़िहै ज़ुंण हेल़्ही मांझ़ा का लुक्‍की थिई गई दी,

हाम्हैं सोभै तै आपणीं-आपणीं बाता लागै दै हांढदै।

पर बिधाता लादअ म्हारै पापो सह गर्कअ बोझ़अ तेऊ आपणैं दासा प्रैंदै

ज़ेते सज़ा हाम्हां लागणीं ती भुगतणी।✝53:6 शधा. 10:43; 1 पत. 2:25

7 सह हंतअ ज़िहअ नां किहअ, पर सह रहअ च़ुपच़ाप तिन्‍नां ज़िरदअ लागी,

तेऊ निं एक बैण बी बोलअ।

सह रहअ इहै मिम्मूं ज़िहअ ज़ुंण डिलणा लै हआ काटी लाअ द

अर एही भेडा ज़िहअ ज़ुंण मुनी हआ लाई दी,

तेऊ निं एक बैण बी बोलअ।