1 Yesu aravuga ati, "Ni ukuri, ni ukuri, ndababwira yuuko uwinjira mu rugo rw'intaama atanyuze mu irembo ahuubwo akuuririra ahandi aba ari umujuura cangwa umunyazi.

2 Uwinjirira mu irembo, aba ari umushumba w'intaama. 3 Umurinzi amukinguurira irembo, n'intaama zikumva ijwi rye. Ahamagara intaama ze mu mazina yazo, maze akazaahura*. 4 Iyo amaze gukuuramo intaama ze, azija imbere, zikamukurikira kuko ziizi ijwi rye. 5 Ntaabwo zaakurikira uwo zitaazi, ahuubwo ziramuhunga kuko zitaazi ijwi rye".

6 Yesu yakoreesheje ico ciitegererezo ariko ntibaasobaanukirwa ibyo ababwira.

7 Yesu yongera kubabwira ati, "Ndababwira ukuri yuuko ari nje rembo ry'intaama. 8 Abambanjirije boose ni abajuura n'abanyazi, ariko intaama ntizaabumviise. 9 Ni nje rembo. Uwinjira anyuzeho weese azaakizwa, azinjira kandi asohoke maze abone urwuri. 10 Umujuura azanwa no kwiba, no kwica, no kurimbura. Nazanywe no kugira ngo abantu babone ubugingo, ndetse ngo babubone mu bwuzuye.

11 Ni nje mushumba mwiza. Umushumba mwiza ahara ubugingo bwe ku bw'intaama ze. 12 Naho umupakazi, utari umushumba kandi utari nyir'intaama, iyo aboonye inyamaaswa ije, asiga intaama agahunga, nuuko inyamaaswa ikazifata maze ikazitaatanya. 13 Umupakazi arahunga kuko ntaabwo yiita ku ntaama. 14 ✝Ni nje mushumba mwiza. Intaama zanje ndaziizi kandi na zo zikaamenya, 15 nk'uko Daata anzi kandi nanje nkamenya Daata. Ndetse neemera gupfiira intaama zanje. 16 Mfite n'izindi ntaama zitari izo muri uyu mukumbi. Na zo ngomba kuziizana, maze zikazumva ijwi ryanje. Nuuko hakabaho umukumbi umwe, n'umushumba umwe.

17 Ku bw'iyo mpamvu, Daata arankunda, kuko niteguuye gutanga ubugingo bwanje kugira ngo nzaabusubirane. 18 Ntaawe ubunyaka, ahuubwo mbutanga ku bushaake bwanje. Mfite ubushobozi bwo kubutanga, n'ubwo kubusubirana. Iri tegeko narihaawe na Daata."

19 Abayuuda bongera kwicamo ibice ku bw'ayo magambo. 20 Benshi muri bo baaravugaga bati, "Ahanzweho dayimooni kandi yasaze. Ni kuki mumwumviriza?"

21 Ariko abandi bakavuga bati, "Aya ntaabwo ari amagambo y'umuntu uhanzweho na dayimooni. Mbese dayimooni yashobora guhumuura impumyi?"

22 Ico gihe hari umunsi wo kwibuka gutaaha Inzu y'Imaana i Yerusaalemu, kandi caari igihe c'imbeho nyinshi. 23 Yesu yagendagendaga mu Nzu y'Imaana, munsi y'ibaraza ryitwa irya Solomooni. 24 Abayuuda baramwitooroora baramubaza bati, "Uzaageza ryari kutureka mu rujijo? Tubwire neeza niiba uri Kristo."

25 Yesu arabasubiza ati, "Narabibabwiye ntimwabyemera. Imirimo nkora mu izina rya Daata na yo intangaho ubuhamya, 26 ariko ntimubyemera, kuko mutari abo mu ntaama zanje. 27 Intaama zanje zumva ijwi ryanje. Ndaziizi kandi na zo zikankurikira. 28 Nziha ubugingo buhoraho, kandi ntaabwo zizaarimbuka. Ntaawe uzaazinsahura mu ntoke zanje. 29 Ibyo Daata yampaaye biruta ibindi byose kandi ntaawabisahura mu maboko ye.* 30 Njeewe na Daata turi umwe."

31 Abayuuda bongera gutooragura amabuye ngo bayamuteere. 32 Yesu arabasubiza ati, "Nabeeretse imirimo myiza myinshi yavuuye kuri Daata. Ni uwuhe muri yo utuma mwenda kunteera amabuye?"

33 Abayuuda baramusubiza bati, "Ntaabwo ari imirimo myiza tugiiye kuguteerera amabuye, ahuubwo ni ugusebya Imaana, kuko uri umuntu ukaba wishushanyije kuba Imaana."

34 Yesu arabasubiza ati, "Ntibyanditswe mu mategeko yaanyu ngo Imaana yaravuze iti, ‘Muri imaana’? 35 Tuuzi neeza ko ibyanditswe ari ukuri ubuzira herezo, kandi ko Imaana yiise abo bantu imaana, anari bo baahaawe ubutumwa. 36 Mbese mwavuga mute ngo uwo Daata yatooranyije akamwohereza mu isi ari gusebya Imaana kuko navuze nti, ‘Ndi Umwana w'Imaana’? 37 Niiba ntakora imirimo ya Daata, nimureke kunyemera. 38 Ariko niiba nyikora, n'ubwo mutanyizeera, mwizeere iyo mirimo, kugira ngo mumenye kandi mwemere ko Daata ari muri nje nanje nkaba muri we."

39 Bongera gushaaka kumufata ariko arabatoroka.

40 ✝Avayo yongera kuja haakurya ya Yorodaani aho Yohaana yabatirizaga mbere, agumayo. 41 Abantu benshi baaza aho Yesu ari, baravuga bati, "Yohaana ntaagitangaaza yakoze, ariko ibyo yavuze kuri uyu mugabo byose byari ukuri." 42 Maze abantu benshi baariyo baramwizeera.