1 Isaabato irangiye, Mariya Magadaleena, Mariya nyina wa Yaakobo na Salome, bagura amavuta ahuumura neeza, ngo baje gusiiga umubiri wa Yesu. 2 Mu gitondo kare kare ku cumweru, baja ku mva bagerayo izuuba rirashe. 3 Baravuganaga bati, "Ni inde uribuduhirikire rya buye riri ku muryango w’imva?" 4 Biitegereje, babona rya buye ryari rinini caane ryahirikiwe iruhande. 5 Binjiye mu mva, babona umusore wiicaye iburyo, yambaye ikanzu yeera, maze bagira ubwoba.

6 Arababwira ati, "Mwigira ubwoba, murashaaka Yesu w’i Nazaareeti, wabambwe ku musaraba? Yaazuutse, ntaabwo ari hano. Ntimureeba aho baari bamushize! 7 ✝16:7 Mat 26:32; Mar 14:28.Nimugende mubwire abiigiishwa be, na Peetero ko ari bubatange i Galileeya. Muzaamubona nk’uko yabibabwiye."

8 Bava mu mva bahunga, kuko ubwoba bwari bwabataashe, kandi ntihaagira uwo babibwira ku bwo gutiinya*16:8 Bimwe mu bindi bwanditswe byera, ubutumwa bwa Mariko burangirana n’umurongo wa munane. Ahandi, burangira n’umusoozo mugufi; naho abandi bongera ho kuva kumurongo wa cenda kugeza ku wa makumyabiri..

[Kandi ibyo baategetswe babibwira abaari begeereye Peetero muri make. Nyuma yaaho, Yesu ubwe yaboohereje kwamamaza ibyera by’agakiza gahoraho iteeka uheereye iburasirazuuba ukageza iburengerazuuba.*16:8 Bimwe mu bindi byanditswe byera hongerwaho Amiina ]

[9 Ku cumweru mu gitondo, Yesu amaze kuzuuka, abanza kubonekera Mariya Magadaleena, wo yari yariirukanyemo abadayimooni barindwi. 10 Aja kubimenyeesha abaabaanaga na Yesu, bakiri mumaganya n’amarira. 11 Bamaze kumva ko ari muzima kandi ko yamuboonye, ntibaabyemera.

12 Haanyuma y’ibyo, abonekera abiigiishwa babiri afite irindi shusho, ubwo baagendaga baja mu caaro. 13 Maze basubirayo babibwira abandi, ariko ntibaabeemera.

14 Haanyuma yiiyereka ba cumi n’umwe ubwo baari ku meeza bafungura, maze abagayira kuteemera kwabo no kwinangira umutima, kuko baari banze kwemera abari baamuboonye amaze kuzuuka. 15 ✝16:15 Iby 1:8.Arababwira ati, "Nimuje mu bihugu byose, mwamamaze Ubutumwa Bwiza ku bantu boose. 16 Uzeemera akabatizwa azaakira, naho utazeemera azaaciirwaho iteeka. 17 Kandi ibi bimenyeetso ni byo bizaaranga abiizeera; kwirukana abadayimooni mu izina ryanje, bazaavuga indimi nsha, 18 bazaafata inzoka mu ntoki zaabo, kandi nibagira ico banywa ciica, ntaaco bazaaba, bazaarambuura ibiganza ku barwayi, maze bakire."

19 ✝ 16:19 Iby 1:9-11. Umwami Yesu amaze kuvugana na bo, ajanwa mu ijuru, nuuko yiicara iburyo bw’Imaana. 20 Abiigiishwa baja hoose baamamaza Ubutumwa Bwiza, naho Nyagasani aguma kubafasha no gutanga ibimenyeetso bigaragaza ibikorwa byabo*16:20 Bimwe mu bindi byanditswe byera bya kare, bongeraho ijambo Amiina..]