21 Lárigiñe lálügüdagun lungua hama lílana fulasu, aba líridun fiu eremuhatiña lun hadaüragun daüguaü sagüráutu lun hamarücharun habá habá gürigia eremuheinei uremu le gíribei:

«Ru humá eteingiruni lun Aburemei ladüga magumuchaditi línsiñehabu».

22 Dan le hagumeserunbei eremuha lau ugundani lun Wabungiute, aba ládarun Wabungiute chagaguaü hadoun Amonna, Moábüna hama lílana luwübüri Seirü, ha yebe ñǘbuinbaña lun hageindagun kóntüra Hudá aba heferidiruni wuribu.