3 Aba lasandirun Hosafátü anufudei, aba laranserun lun lidin lumoun Wabungiute. Aba lubeiti lagúarun aban ayunaruni lidan sun Hudá, 4 aba hóundaragun lílana Hudá lun hamuriahan luma Wabungiute lun líderaguniña.
15 aba lariñagun:
—Aganba humá lílana Hudá hama lílana Herusalén, buma, buguya urúei Hosafátü. Lariñahare Wabungiute hun: "Manufudeda humá, malouchun huguyame hagibugiñe saragu súdaragu ha, lugundun mama huwuribun wuribu le, luwuribun Wabungiute. 17 Mámaba huguya ageindaguei wuribu le. Deregüdagua humá, harihubei ida luba lan lesefurunün Wabungiute. Lílana Herusalén luma sun Hudá, manufudeda humá malouchun huguyame, heiba ageindagua hama haruga, lugundun anihein Wabureme huma".
22 Dan le hagumeserunbei eremuha lau ugundani lun Wabungiute, aba ládarun Wabungiute chagaguaü hadoun Amonna, Moábüna hama lílana luwübüri Seirü, ha yebe ñǘbuinbaña lun hageindagun kóntüra Hudá aba heferidiruni wuribu.