1,2 Sun dimurei burí le lunti lounabúniwa,

ladüga mama lidan saragu dimurei ladarirúa irichaü.

3 Haritaguatibu san luagu bámanichagüdübadiwa lan

lau liibe badimurehan,

ani ua lan ni aban gayaraati lóunabuni bubulan?

4 Bariñahare luagu úaragua ban,

ani haruma ban ligibugiñe Bungiu.

5 Gama lumoun ladimurehadügü hamuga

Bungiu lun lóunabunibu!

6 Larufuduñein hamuga anichigu aramudaguati

le lídanbei lichú aau bun,

le hénrengubei gunfurandawa lan.

Ítara liña hamuga basubudiruni

luagu mabeichun lágidibu lan Bungiu kei le badünabei.

7 Haritaguatibu funagia luagu gayaraabei lan basubudiruni

katei aramudaguati le lúmabei Bungiu,

ani gayaraabei lan bachülürün lun bítaradun kei ligía?

8 Kábagia gayara badügün,

anhein íñutima lubéi luéi sielu?

Kagia basubudirubei,

anhein hulilitima lubéi luéi máfiougati?

9 Wéiriti sügǘ lau ubóu

dabubereti sügǘ lau barana.

10 Anhein ñübuin Bungiu adaüragüda gürigia

aguseragüda ligíame,

kábagia erederei luéi ladügüni?

11 Subudi lumuti Bungiu ka lan yeebei,

ariha lumuti giñe wuribani,

odi haritaguatibu luagu ibidiñe lan lun?

12 Wéyume lasansirun burigü áraabuna

ligíaba weyu ligía lárügüdün ibidiougua tau subudi.

13 Aransebá lun badügüni katei lidan lúaragun,

ayumuraguabá lun Bungiu.

14 Anhein buin biña lubéi lau figóu

dísegüdabei buáriua;

míchigaba fulasu lun wuribani búbiñe.

15 Ítara luba gayara lan biñuruni bigibu harumañu,

ani darangilubadibu manufudeuga;

16 babulieidubei basufurirun;

babulieidubei kei duna le ásügürübei.

17 Lámiriduba bibagari sügǘ lau weyu amidirugu;

ítara luba bidaani le búrigabei kei lubaroun larugan.

18 Gayaraabei babagaridun hemenigiñu;

barumuguba darangilu lábugiñe lóunigirun Bungiu.

19 Malouchagüdün lubadibu ni kata danme bemeraagun;

saragubaña ñǘbuintiña álugei bufulesein.

20 Ánhañati ha wuribabaña háluahaba híderawagun;

ani madaribaña halíaba lan haramudagua,

óunwenirügüba hemenigin.