1,2 Ka san luwuyeribei bíderaguni le uánimabei,

besefuruni le méreelibei!

3 Ma lubuidun bíchugun eweridihani

luma barufudahan houn ha ibidiouguabaña aau!

4 Kagia íderagubalibu lun bariñaguni dimurei burí le?

Ka arufudahabei bun lun badimurehan ítara?

5 Hilaguaaña ha baranahabaña,

adadagaratiña lau anufudei lidan lilulin barana.

6 Daragu liña larúeihan óunweni lun Bungiu,

úati katei aramudaguati luéi.

7 Tulegua lumuti Bungiu sielu ligibuagu le úabei ni kata ñein,

dibigüdalei múa ligibuagu ni kata.

8 Ru lumuti Bungiu duna lidoun dúeri,

mafaünchünga ligía dúeri ladüga lihürü duna;

9 búrigagüda lumuti Bungiu ligibu hati

lau ladouragun dúeri lau;

10 Ru laali Bungiu lébeha barana

keisi láfadaragun larugounga luma luburiga.

11 Dan le ladeinhan Bungiu,

adadagarati wübü burí le ágüdahabalin sielu lau anufudei.

12 Gumadi lumuti Bungiu barana lau lere;

lau lichú lau gañei lumuti wuribu hawagu láganiñu.

13 Lau láfurun, harumagüda lumuti sielu;

áfara lumutu hewe lau lúhabu.

14 Ani sun le, murusunrügü lídangiñe luadigimari.

Murusunrügügili le waganbubei luagu.

Kábagia gayara gunfurandalani lueirin lubafu?