1,2 Fiñutina luagu Bungiu Suntigabafu,

le máhabei líchuguni niricha nun,

ani gífigüdalei nibagari,

3 luagu rúrügaali ligía lan erei

nun lun nawaragun,

4 mariñagunbádina iyeeni,

mariñagun aume dimurei málati!

5 Sun winwan nan, narufudamémebei luagu madurun nan;

máhabadina luagu richá humá lau híchugun nidurun!

6 Nariñagamémeba luagu haruma nan,

lugundun úati kaba lan uagu nerereha núniwagua.

7 Sun le anaagubei lungua keisi nágani,

barülei habunurun ha wuribabaña hama ha marichabaña!

8 Kábagia hemenigin gürigia ha wuribabaña

danme le lagidaruni Bungiu habagari?

9 Danme hadariragun houngua lidan lénrengunga

madügünbei Bungiu gasu lau hayumuragun.

10 Madari hamuti hagundan lidan Suntigabafu,

magúa hagía lun.

11 Narufudaali lueirin lubafu Bungiu hun,

luma lisaminan Suntigabafu.

12 Ani ánheinti ariha humaali lubéi sun huguya,

ka uagu hadimureha katei le burí múaranti?

13 Anihán abeichúni le lunbei líchuguni Bungiu le

Suntigabafu houn gürigia wuribatiña:

14 Íbinime gibe hamá hasaanigu,

hóunweguba wuriburugu

odi ladüga lanme madari hamá kaba lan heiga.

15 Hámeti móunweguntiña ítara,

láfaragubaña sandi máraninati

ani mayahuahanbaña hámarigu.

16 Íbini hóundarun gürigia wuribatiña pülata kei múa,

gibe tuguya hadaüragun,

17 ábanba gürigia richaguati ayusuroun daüguaü tuguya,

ábanba giñe wügüri madurunti eredera lau pülata ligía.

18 Mederebuguntu haban gürigia ha wuribabaña,

ítara tiña kei aban hamasa dunuru,

kei luban óunigiruti áraabu.

19 Larounruba rísiñu lagumuhóun wéiyaasu,

danme lagagudun úaalime ni kata luma.

20 Liábinba anufudei lun wéyuagu,

lanügübei luriban dan áriebu.

21 Lasagarubei garabali

le heriginiauti lúbiñegiñe;

22 láfuruba luagun magudemehabuga

íbini lálugun léibaagun luéi.

23 Léibaahabei garabali íñaaheina lárigi.