29 —Ábanbei lúrudu le hun le lunti sun dan: Gasu hanügüni weyu diisi lidan lisedün hati keisi ayunaruni, gasu hararamuni sun huádigimari lidan weyu ligía dandu Ísüraelina kei terencha ha haganaguabaña. 30 Lugundun lídanba weyu ligía libihúa ferudun luagu hifigoun ligibugiñe Wabureme, ábame herederun harumañu lídangiñe sun hifigoun.
34 —Ábanbei lúrudu le hun le lunti sun dan: Ladügǘba échuni lun libihíniwa ferudun luagu hafigoun Ísüraelina aban wéiyaasu lidan irumu.
Aba ladügǘniwa ítara kei lariñaguni Bungiu lun Moisesi.