Lúrudu habügürü gudemetiña
35 —Anhein agudemeda aban hádangiñe bupaisanun leredera maseinsunga aba liabin bumoun, lunti bíderaguni kei aban terencha le ásügürüti, ábame bíchugun ubaraü lun búbiñe. 36 Magidarabá ni kata luéi maguburahanbeime lóugiñe le bafuredeirubei lun; lubaragiñe lira, arihualá binebenehabu lun Bungiu, ruba ubaraü lun bupaisanun búbiñe. 37 Maguburahabéi lóugiñe seinsu le bafuredeirun lun, miñurunbeime lebegi éigini le bíchugun lun.