Lucas 9

38 Munu yumwe ha lilugu lila lya vanu, akakolaje kutijila, "Mudahitsi, ntsingukugongola utse umulole mwanangu, mwene yo mwanangu va wiyeka. 39 Kwasawuli lisoka limwinjilaga na kumudita ayove, na kaha limugwisaga chintsilisa, na kuno ahumaga lifulo kumulomo, ilyo lisoka limukodaga silimulekaga ndaya. 40 Ntsivasusile vadahitswa vako valihetse ilyo lisoka vakalemwaje." 41 Yesu akavalonjelaje, "Henye chilelo chibi na chochigaya litumbilo! Ngikala na henye mbaka hanili iho ho mukunumbila?" Iho Yesu akamulonjelaje munu yula, "Mulete hano mwanago." 42 Hala mukwamitsi yula hoavaga am’bita kwa Yesu, lisoka lila likamugwisaje kwa chintsilisa. Lechelelo Yesu akaling’anulilaje, akamuponetsaje mukwamitsi yula, na kumupilula kwa dade. 43 Vanu veka vakatinuswaje na wuvina wukomi wa Mulungu.

Yesu an’wila kulonga kuta akufwa

Vanu vala hovavaga vang’acha vali mumutinuso gwa ndongwa tsila tsadisile, Yesu akavalonjelaje vadahitswa vake,