Ndongisili a Yowani mutondihi mu kumu a nzala
1 Mu taangu mo yiina, Yowani mutondihi abaandihi ulongese mu kumu a nzala a Yude3.1 kumu a nzala a Yude Itaanzi hi hyavele na baatu ba banzuhisini, hi hili ŋa hati la Yeruselemi Heboroni na Yolodani ya hu baanda.. 2 Nde akabaaleele: «Sobwaani mbiili, mu tooni ati Ipfumu hi mayulu hyaaka bebele!» 3 Yowani ni nde wuuna wu mumbihuli Esaya haayabisi, ŋa nde haaleeli:
«Yiniiyi ni ndaha a muutu wu li mu uta ibila mu kumu a nzala:
"Vangimasaani nzila a Pfumu,
suungahaani misoho mya nde3.3 Esa 40.3!"»
4 Yowani aba alwata ikutu hi baatuunga mu myoso mya buuru nga irunga. Na mu luungu la nde, aba ahada mudi wu mukobo ibulu. Nde akabaadya makooko na maadi ma nyuhi a tsyehe. 5 Bisu Yeruselemi, bisu Yude yoosi na bisu itaanzi hyoosi hi hyabaambana na nzali a Yolodani, baakayabwana Yowani. 6 Bo baakasiinga masumu ma bo ŋa kuungi la baatu. Na Yowani akatondehe bo mu Yolodani.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)