25 Honyuma kw’aho, mʉkangɨrɨtsya mʉgʉma w’oMʉgomba mwimana niashondya ɨlenga kʉ Yesʉ. Mwabʉtsya Yesʉ athɨ: «Mʉkangɨrɨtsya, nyangakola ki bʉshana nyɨbone obʉyɨngo bw’ekera na kera?»
26 Yesʉ mwamʉshʉbɨtsya athɨ: «Mo Mʉgomba mushakirwe ki? Ʉlɨ ʉsomawo ʉnonvwawo ʉthɨ?» 27 Omʉkangɨrɨtsya w’oMʉgomba oyo mwamʉshʉbɨtsya athɨ: «Ʉtsɨɨre Nyinya-kowethʉ Gongo wawe n’omʉthɨma awe woshi, n’obwenge bwawe boshi, n’akagala kawe koshi, n’emɨganɨtsye awe yoshi. Na ʉtsɨɨre mulikyenyu ng’oko uyitsiire wowene.10:27 Soma Ɨbʉka 6:5; Balawi 19:18.» 28 Aho Yesʉ mwamʉbwɨra athɨ: «Wamashubya kʉbʉya! Ʉgende ʉkola uthyo nawe wandabyaho.»
29 Hewethuwe omʉkangɨrɨtsya w’oMʉgomba oyo, mwashondya ikangania kw’asɨngene. Aho mwabʉtsya Yesʉ athɨ: «Na ndɨ yo mulikyethu?»
30 Yesʉ mwamʉshʉbɨtsya athɨ: «Mʉndʉ mʉgʉma agenda athoka ɨYerʉsalemʉ nɨ akimira iYeriko. Abere akɨnalɨ mo nzɨra abashamuli mobamʉwako. Abashamuli abo mobamʉnyaga ebyoshi abyaga awitheko, mobamunoya, mobayɨgendera nibamamushiga hofɨ ɨfwa.
31 «Mokwahʉlʉka muheri mʉgʉma wa Gongo agenda akima mo nzɨra eyo. Abere ashʉnga yo uthahumbwa mwatsʉka emʉsɨke n’ɨyɨgendera. 32 Mulawi10:32 Mulawi: aBalawi nɨ bandʉ b’omo kɨhanda ky’aBaisiraeli bagenda abangɨrɨra abaheri bakʉlʉ ko mʉlɨmo w’omo Nyʉmba ya Gongo. Soma Mɨganzo 3:5-13. mʉgʉma naye mwahikaho. Abere ashʉnga ko mʉndʉ oyo, naye mwatsʉka emʉsɨke n’ɨyɨgendera.
33 «Honyuma kw’aho, mokwahʉlʉka Mʉsamarɨa mʉgʉma abyaga mo lʉgendo. oMʉsamarɨa oyo mwahika ahabyaga omʉndʉ wahumbawa. Ɨye abere amʉshʉngako mwamʉfwɨra shashi. 34 Mwayɨfʉnda hofɨ naye, mwashomola ebɨhʉlʉ bɨwe mw’ihira mʉbyo mo mafʉtha n’etifayi n’ɨmɨnabyo. Mwamʉshʉmbɨra ko pʉnda yɨwe mwamʉthwala eyɨrɨ enyʉmba y’abageni bʉshana bamʉlweko. 35 Bwabere bwakya, mwahulukya tinari10:35 Tinari: Eso tinari ibiri sabyaga lʉhembo lwa mɨbɨtsɨ ibiri. ibiri, mwahatho omwenye nyʉmba y’abageni n’ɨmʉbwɨra athɨ: "Omʉndʉ oyu ʉmʉlweko kʉbʉya. Nyandakʉfʉha esɨndɨ tinari soshi ko byoshi wamʉkolera nyandabya nyashʉbʉla."»
36 Ko nduli Yesʉ mwabʉtsya omʉkangɨrɨtsya w’oMʉgomba oyo athɨ: «Mo mɨganɨtsye awe ko bandʉ bashathʉ abo, nɨ ndɨ yo wabyaga mulikyabo w’oyo wahumbawa n’abashamuli?» 37 Omʉkangɨrɨtsya w’oMʉgomba oyo mwashubya athɨ: «Oyo wamʉfwɨraga shashi.»
Yesʉ mwamʉbwɨra athɨ: «Enda! Nawe ʉgende ʉkola uthyo.»
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)