Lucas 14

Yesʉ alamya mukoni mʉgʉma ekɨro ky’eSabato

1 Kɨro kɨgʉma ky’eSabato Yesʉ mwayalya ku kalyo mo nyʉmba ya mʉgʉma w’oko bakʉlʉ b’aBafarisayo. Abandʉ bo babyaga mo nyʉmba eyo nɨabayɨthegeretsya Yesʉ yo kʉtsɨbʉ bʉshana balole ebyo ashondya ɨkola. 2 Shʉnga! Embere sa Yesʉ habyaga mʉndʉ mʉgʉma omʉbɨrɨ ʉwe abyaga nɨalwere bukoni bw’ibimbabimba. 3 Yesʉ mwabʉtsya abakangɨrɨtsya b’oMʉgomba n’aBafarisayo athɨ: «oMʉgomba ethʉ anahamulire kʉtse ahangire ilamya mʉndʉ mo kɨro ky’eSabato?» 4 Hewethuwe mobayumya. Aho Yesʉ mwakola ko mukoni oyo, mwamulamya n’ɨmʉbwɨra athɨ agende.